Anne, nakiusap sa mga nagkakadena at nagkukulong ng mga aso

Nagdeklara na ng State of Calamity sa Metro Manila habang sinusulat namin ito.

Ang tindi ng ulan, parang maaalala mo ang mga naganap noong Ondoy.

Pero makikita mo rin ang dahilan ng matinding baha ay ang mga basurang bumabara sa mga daluyan ng tubig.

Ang daming mga basura na nagkalat sa kahapon sa mga apektado ng mga matitindang pagbabaha.

Kaya talagang dapat mag-iwan ito ng aral tho ganito na lang lagi ang sinasabi tuwing magkakaroon ng matinding baha sa ating bayan.

Grabe ang Carina, ang daming lumubog na kotse at mga nagpunta sa kanilang bubungan upang makaligtas sa baha.

Anyway, ang pakiusap naman ni Anne Curtis nang may makita siyang photo na nakatali ang isang aso sa baha, “Please don’t leave your pets chained up or even worse, in a cage.”

May mga alagang aso ang iba na nakatali sa kadena at nakakulong naman ang iba sa gitna ng pagbaha.

Nakakaiyak ‘yung mga aso na nasa kulungan at naiiwan talaga sa baha.

Lampas tao ang maraming lugar kahapon sa maraming bayan sa Metro Manila at ilang karatig probinsya.

Maaga namang nagsara ang malalaking mall sa Quezon City pero bukas sila sa mga naapektuhan ng habagat at bagyong Carina na kailangan ng pansamantalang matutuluyan.

Naging libre rin ang overnight parking, may libreng WiFi, charging stations at help desk.

Ang aming dasal sa mga naapektuhan at pinalubog ng bagyong Carina.