Nanuroy sa Vietnam

CEBU, Philippines — Nanglaag didto sa Vietnman ang mag-uyab nga sila si Gabbi Garcia ug Khalil Ramos. Nahimout sila og maayo sa kanindot sa maong dapit.   Usa sa ilang gisuroy mao ang sikat kaayo nga Mekong River.“Our most spontaneous trip yet,” suma pa ni  Khalil .

Nanamilit sa Quiapo

Nanamilit na sila si Elijah Canlas ug  Yce Navarro sa  "FPJ's Batang Quiapo" niadtong Miyerkules. Gipatay na ni Tanggol (Coco Martin) ang ilang mga karakter isip Pablo (Elijah) ug  Ruben (Yce) gumikan sa sala nga ilang  nabuhat  ngadto kang Bubbles (Ivana Alawi).

Na-starstruck

Giangkon sa  Sparkle artist nga si Matthew Uy nga na-starstruck  siya sa iyang mga kauban sa teleseryeng   Widows' War nga sila si  Bea Alonzo ug  Carla Abellana.  Suma pa sa aktor nga dakong garbo alang kaniya nga makatrabaho ang  nahisgotan nga mga aktres.

Maki naglawig sa Billboard Philippines

Dugang kalamposan  ang naangkon sa singer -songwriter  nga si  Maki human ang awit niya nga Dilaw  kay nag-una sa    Billboard Philippines Hot 100 ug Top Philippines Songs chart sa unang semana sa Hulyo.

Malipayon si Maki sa nahitabo sa iyang career  ug gikonsiderar usab niya kini nga kalamposan pud sa tanang Pinoy nga mag-aawit.

"Celebrating this along with all the OPM artists that are on top of the charts!! I'm just so thrilled and glad that OPM is thriving, very much alive, and that I get to share my part as an artist in this generation of Filipino music. MABUHAY ANG OPM!!!! Being at the top is only the bonus. Maraming salamat sa pagtangkilik ng musikang Pilipino!!!",” Instagram post ni Maki. Nalakip usab sa listahan ang mga awit sa BINI nga  "Salamin Salamin," "Pantropiko," "Karera," "Lagi," ug  "Huwag Muna Tayong Umuwi".

Sharon Cuneta balik-kapamilya series

Subling malakip sa  Kapamilya teleserye ang Megastar Sharon Cuneta ug pormal kini nga gianunsyo sa  ABS-CBN sa niaging adlaw.

Hugyaw ang pagsugat sa aktres  gumikan kay gidalitan kini og red carpet welcome sa ABS-CBN executives nga sila si  ABS-CBN COO nga si Cory Vidanes ,  Entertainment Production head nga si Laurenti Dyogi ug  Dreamscape Entertainment heads nga sila si  Kylie Manalo-Balagtas ug  Rondel Lindayag.

Suma pa ni Sharon nga  excited na siya sa umaabot  niya nga proyekto nga wala pa niya gidetalye.

“Kaya po ako nandito kasi may bago akong sorpresa sa inyo. I wouldn’t say there’s more pressure. I would say there’s more desire. Who wants to be anywhere else but home?” suma pa ni Sharon. Ang gipaabot nga teleserye comeback ni Sharon  kay magsilbing ikaduha niya nga Kapamilya teleserye human siya nahimong kabahin kaniadto sa  “FPJ’s Ang Probinsyano” niadtong 2021.

BINI Maloi gidumogan atol sa family dinner

Gikatahong wala maka-kaon og tarong ang usa sa mga miyembro sa BINI  nga  si Maloi human  gidumog kini sa iyang fans sa dihang nag-family dinner  ang singer sa usa ka restaurant  sa Batangas,

Dunay nikatap nga mga  video sa TikTok kun diin gialirongan si Maloi sa daghang tawo nga gustong magpa-autograph ug magpahulagway kaniya. Niulbo ang reaksyon sa pipila ka netizens ug nanawagan nga unta respitoon ang personal nga oras sa ilang giidolo nga artista.