Reyna ng Aliwan 2024 pambato sa sugbo nakadaog

CEBU, Philippines — Si Mia Loureen Tamayo sa  Cebu Province maoy napili nga Reyna ng Aliwan 2024 atol sa awarding ceremony sa  Aliwan Fiesta niadtong Sabado didto sa Pasay City.

Girepresentar ni Mia ang  Pasigarbo sa Sugbo Festival.

Nalangkat usab niya ang  special awards nga  Miss Friendship ug Best in Swimsuit.

Kahinumdoman nga si Mia ang napili nga  Sinulog Festival Queen sa Lalawigan  niadtong Enero.

Si Mariel Bogert  sa  Sinulog Festival maoy  second runner-up sa Reyna ng Aliwan 2024. - SJA

“Di ka nag behave” ni seth gi-release na

Gugma alang sa usa ka tawo nga nasakitan maoy gibida sa  Kapamilya actor -singer  nga si Seth Fedelin sa iyang comeback single nga “Di Ka Nag Behave.”

Gipaagi ni Seth sa hip hop track ang  maong mensahe. Sa makakilig niya nga tingog, gisaysay niya ang mga butang  nga andam niya nga himoon  aron maangkon ang kasingkasing sa tawong nataypan niini.

Ang  executive producers sa maong awit mao sila  StarPop label head Roque “Rox” Santos ug  ABS-CBN Music creative director Jonathan Manalo.

Giareglo kini ni  Michael Cursebox Negapatan ug gisulat ni Jonnell Sarmiento.

Nailhan si Seth  sa kadaghanan human  kini nahimong housemate sa “Pinoy Big Brother: Otso” niadtong 2018.

Isip  recording artist, gi-release ni Seth ang ang  una niya nga single nga “Kundi Ikaw” niadtong 2022.

Nahimo usab siya nga kabahin sa nagkadaiyang  soundtracks nga sama sa  “Kahit Na Anong Sabihin Ng Iba”  sa  “Hello Stranger,” “Hindi Kita Iiwan” sa  “Lyric & Beat,” ug “Mamahalin Kita Palagi” sa “3pol Trobol: Huli Ka Balbon!”

Madungog and  “Di Ka Nag Behave” sa nagkadaiyang  streaming platforms. 

Paukyab ni Andrea

Naka-bridal attire gyud si Andrea Brillantes sa dihang nitikang siya sa fans day sa South Korean actor nga si  Kim Soo-hyun didto sa kaulohan sa niaging adlaw. Gipasigarbo kini sa aktres sa iyang Instagram story ug duna kini caption nga "I do".

“Say It Clear, Say It Loud”

Ang panawagan ni   Boy Abunda sa panaghiusa, patas ug respeto  maoy unod sa  sa labing una nga  Pride EP  nga  “Say It Clear, Say It Loud”. Gilangkoban kini sa  Kapamilya singers ug  miyembro sa LGBTQ+ community nga sila si Anton Antenorcruz, Raven Heyres, ug Saga. Si Boy ang nag-produce sa maong  six-track EP ug kaabag ang  Star Music. Gilusad kini niadtong   Biyernes (Hunyo 28).

Excited sa movie

Nagpanikad na ang Kapamilya stars nga sila si  Maris Racal ug Anthony Jennings  sa umaabot nila nga pelikula. Ang nahisgotan nga movie project kay magsilbing tubag sa  hangyo sa ilang fans  nga taod-taod na nga nihangyo nga unta subli sila nga mag-uban sa usa ka proyekto human nagmalampuson ang tandem nila kaniadto sa  hit series nga  “Can’t Buy Me Love.” -Sanden J. Anadia

Doktor, bag-ong -uyab ni Kris

Usa  ka doktor nga nagbase sa Makati maoy bag-ong boyfriend ni Kris Aquino.

Gibutyag kini ni Kris atol sa interview niya sa vlog ni Ogie Diaz.

"He's a doctor, and I think that's part of the reason why it was easy. Kasi alam niya kung anong painagdadaanan ko. He's part of the reason why I'm confident na pwede akong umuwi kasi alam ko there's someone who will help in taking care of me," ni Kris pa.

Posibleng mobalik na si  Kris dinhi sa Pilipinas sa katapusang bahin karong tuiga. Kahinumdoman nga taod-taod na kini nagbase sa laing nasud aron magpaalim sa iyang sakit.

“Hopefully, sa last quarter ng taon bago mag-Pasko, I’ll be back in the Philippines.It just really depends kasi may pagdadaanan akong mga test, niya pa," ni Kris pa.

Si  Batangas Vice Governor Mark Leviste maoy katapusan nga nauyab ni Kris  sa wala pa naabot ang doktor.