Jolina mobalik na sa pag-arte

CEBU, Philippines — Mobalik na og lugwa si  Jolina Magdangal  sa teleserye ug  kini pinaagi sa  upcoming Kapamilya  series  nga "Lavender Fields."

Gianunsyo ini kagahapon sa Dreamscape Entertainment  ug excited na kaayo ang aktres niini.

Katapusang TV series ni Jolina mao ang "FlordeLiza" niadtong 2015.

Plano alang  sa kaugmaon

Alang kang Ronnie Alonte, importante kaayo sa mag-uyab nga duna’y plano sa ilang kaugmaon. Kun wala man gani ang maong butang, labing maayo nga magbuwag na lang.  Suma pa ni Ronnie nga naka-focus sila karon sa iyang uyab nga si Loisa Andalio sa trabaho.

Nagpalaban og quote

Kever na ang aktor nga si  Xian Lim sa mga isyu nga ibato kaniya.   Gi-repost sa aktor ang quote gikan sa Hollywood star nga si Keanu Reeves kalabot sa kasamtangan niya nga  disposiyon sa kinahuhi.  Ang maong quote kay, “I'm that age in life where I stay out of discussions ,even if you say 1+1=5 , you’re right….have fun.”

Busy kaayo

Nagpungasi  ang mga show sa grupong BINI sa nagkadaiyang dapit sa nasud.   Dili na gyud mabangbang ang pagsaka sa popularidad sa maong grupo.

Katy dunay comeback single

Nagmaya ang fans ni Katy Perry human niulbo ang taho nga  mobalik na sa music scene ang ilang idolo.

Gianusyo  ni Katy sa niaging adlaw nga duna siya’y comeback single   nga nag-ulohan og "Woman's World" ug i-release kini karong Hulyo  11.

Human sa maong adlaw, isunod dayon ang paglugwa sa music video  niini karong Hulyo 12.

Si Katy  maoy nagpasikat sa mga awit nga " "Firework," "Hot 'N Cold” "California Girls", “Roar” ug uban pa.

Ogie Diaz miduso og counter-affidavit; Mama Loi mipasaka og kasong Perjury vs Bea

Niduso na kagahapon  si Ogie Diaz  ug ang iyang co-hosts sa "Showbiz Update Live" nga sila si  Loi Villarama  ug Wrena Lualhati sa ilang  counter affidavits  alang sa giatubang nila nga kasong cyber libel.

Kahinumdoman nga  ang giatubang nila nga kaso kay gipasaka sa aktres nga si  Bea Alonzo niadtong Mayo.

Ang abogado sa kampo ni Ogie nga si    Atty. Regie Tongol nipadayag nga  duna pud sila’y giduso nga kasong  perjury ngadto kang Bea.

"Today, my clients filed their separate Counter-Affidavits before Investigating Prosecutor Edward Seijo. Along with the filing of a Counter-Affidavit, our client Mama Loi also filed a counter-charge for perjury with damages against Ms. Alonzo since the Complaint-Affidavit made it appear she made defamatory utterances even though she has not said anything at all," tipik sa Facebook post ni  Tongol kagahapon. 

Matud pa sa kampo ni Ogie nga wala giklaro ni Bea sa affidavit  niini   ang partikular nga indbidwal nga giingong dunay gibuhi nga malisyoso nga statement.

"In our seventy-page (70) Counter-Affidavit, we called out the Complainant by not clearly stating in her sixteen-page (16) Complaint-Affidavit the specific individuals who uttered the specific defamatory statements making it appear it was all Mr. Diaz who made them," dugang pa niya.

Kahinumdoman nga lakip sa gireklamo ni Bea mao ang   November 19, 2022 episode sa  online show nga  “Ogie Diaz Showbiz Update”  ,ug giingong nalapas na kini sa usa ka tuig nga “prescriptive period” alang sa cyber libel.

"Meaning, it was filed way beyond the one-year prescriptive period for Cyberlibel.  As to this count, we are very confident that the charge against our clients would be dismissed," matud pa sa abogado ni Ogie.

Dugang pa sa maong abogado nga ang komento  ni Ogie  sa episode niadtong Nobyembre   19, 2022 kay base lang sa obserbasyon sa netizens sa  performance ni Bea sa teleserye nga 'Startup PH'  ug gitataw niya nga  wala maklaro  og tumbok ang giingong malisyoso nga mensahe niini.

Gitubag usab sa abogado  ang  ikaduhang reklamo ni Bea kalabot sa episode niadtong Pebrero 12, 2024.

"As to the second count which refers to episode February 12, 2024, the utterances there by Mr. Diaz’s co-hosts are not defamatory because being offered a role that was turned down by Marian Rivera-Dantes or any other actresses is not unusual given that Mrs. Rivera-Dantes is the undisputed queen of GMA. We proved that it is a common practice in both the local and foreign showbiz industry,” dugang pa sa  maong abogado.

Samtang ang pagpasaka ni  Mama Loi  og kasong  perjury ngadto kang Bea , nagagumikan kay nakita nila nga nangilad si Bea sa nakalatid sa  affidavit niini  nga nagpuyo kini sa  Quezon City sikwahi sa pangangkon sa aktres nga   legal resident  na kini sa Spain sukad niadtong 2022.

Gipaabot nga motubag  ang kampo ni Bea sulod sa duha ka semana . 

AR gipistahan sa netizens tungod sa kontrobersiya

Pabilin nga tak-om si  Mister Supranational Philippines 2016 Alberto Rodulfo “AR” De La Serna kalabot sa kontrobersiya nga giatubang  niini karong panahona.

Nasayran nga gisumsoman og maayo ang iyang pangalan sa netizens  human kini na-link kang  Atty. Harry Roque, nga tigpamaba kaniadto ni kanhi Presidente  Rodrigo Duterte.

Sa nigawas nga taho , nagsilbi si AR isip  "executive assistant" ni Roque.

Naugkat ang pangalan ni  AR sa kontrobersiya human niulbo ang isyu sa Philippine Offshore Gaming Operator (POGO) sa  Pampanga.

Una na nga giklaro sa  maong abogado  nga wala siya’y kalambigitan sa POGO hub. Sa naugkat nga dokumento,  si  Roque maoy  mogasto sa mga biyahe nila ni AR.

Ang maong abogado kay giimbitar nga resource person   sa  usa ka dapit sa Europa aron hisgotan ang kalinaw sa  Ukraine.

 “I am financially capable and willing to cover all expenses related to De La Serna’s travel, including, but not limited to, transportation, accommodation, meals, medical expenses and any other necessary costs,”tipik sa mensahe ni Roque  nga nakit-an sa naugkat nga dokumento.

Gitataw ni Roque nga nanginahanglan siya og kauban  sa iyang biyahe sa Europa  gumikan  kay diabetic siya , ug duna siyay  coronary stent ug  acute spinal stenosis .Matud pa niya nga si AR ug ang barkada niini  maoy naghupot sa iyang  social media presence sa dihang naa pa siya sa  Malacañang. 

Kulbahinam nga Marian sa "Balota"

Gipakita na sa GMA  Network ang bag-ong hitsura ni  Marian Rivera alang sa umaabot nga pelikula nga  “Balota.”

Base sa  maong hulagway,  layo ra gyud  kini sa naandan nga   dagway sa aktres sa nangagi niya nga mga pelikula. Makita  ang  nagkayamokat  nga buhok niini, ug duna kini mga garas sa panit.

Ang  award-winning filmmaker  nga si Kip Oebanda maoy direktor niini   ug kabahin ang maong pelikula sa  Cinemalaya Film Festival nga magsugod karong  Agosto  2 ngadto sa 11. “Kakaibang Marian Rivera ang mapapanood sa 2024 Cinemalaya entry na #Balota

Sobrang malapit daw sa puso ng Kapuso Primetime Queen ang proyektong ito kaya naman talagang all-out siya sa mga eksena sa naturang pelikula,” Facebook post sa GMA Pictures.  

“MoiStellChits”  naporma

Nasoud  na gyud ni  Chito Miranda  ang ubang singers  nga sila si Moira Dela Torre ug  ang   miyembro  sa  SB19 nga si Stell.

Mag-barkada na karon ang tulo ug   ginganlan nila  og  “MoiStellChits” ang ilang grupo. Aduna sila’y group chat kun diin ipabuhagay nila ang ilang mga sabot sa pagpanuroy. Nagsugod ang ilang panaghigalaay human nakauban  Chito sila si  Stell ug Moira isip mga hurado sa “The Voice Generations” sa GMA-7  ug  “Idol Philippines” sa ABS-CBN. 

Piolo, todo pangandam sa “Pamilya Sagrado”

Si Piolo Pascual ang latest  digital cover sa  Metro Magazine  nga nahaom usab alang sa promosyon sa iyang  comeback series nga  “Pamilya Sagrado.”

Sa  exclusive Metro cover story  nga nag-ulohan og  “’Pamilya Sagrado’ Star Piolo Pascual Is Living Life in the Fast Lane” , gihulagway sa  aktor ang bag-o niya nga teleserye nga  “ sociological”.

“It’s a mirror of society. We are not being political, but more sociological. We want to tell the story of how we are,” sa aktor pa.   Gipangandaman gyud sa  Kapamilya star ang iyang role isip Governor Rafael Sagrado.  

“I let my character flow from what the director tells me, what the writer tells me. I thought, ah, I will let my grays show, which made me so happy. It was liberating, I didn’t have to go to a salon and get my hair dyed. But one change I made was that I wanted to make my character more dark. So when he changes, it’s more seen,” saysay pa ni Piolo.