Taylor midepensa kang Lady Gaga

CEBU, Philippines — Gipanalipdan ni Taylor Swift ang iyang higala nga si Lady Gaga kinsa giintriga nga matud pa nagsabak .

Gihangyo ni Taylor ang publiko nga dili unta hukman ang lawas ni Lady Gaga.

Una na nga gihimakak ni Lady Gaga ang maong taho.

“Can we all agree that it's invasive  irresponsible to comment on a woman’s body.Gaga doesn’t owe anyone an explanation [and] neither does any woman,” ni Taylor pa.

Malipayon sa usa'g-usa

Gibutyag ni  Miles Ocampo  nga malipayon sila karon ni  Elijah Canlas apan nagdumili siya sa pagdirekta og tubag kalabot sa taho nga matud pa nagbalik sila.

Ang labing importante alang kang Miles nga malipayon sila ni Elijah sa ilang pagtinagdanay .

Sa pagka-karon ,gusto si Miles nga himoong pribado ang maong butang . 

60th birthday celebration Zsa Zsa, mi-release sa iyang comeback single

Nibalik na sa pag-record og kanta ang bugtong Divine Diva nga si Zsa Zsa Padilla pinaagi  sa iyang comeback  single nga “'Pag Tinadhana” nga gilusad bag-ohay lang nga giatol sa iyang  60th birthday  celebration.

Ang "'Pag Tinadhana" kay usa ka moderno nga jazz pop single nga mahitungod sa dili pagpangita sa gugma ug paghatag niini og kahigayonan nga moabot kini og kalit.

“I want something that appeals to the younger generation.It’s a beautiful and positive song,”suma pa sa OPM icon.

Gipaambit   sa beteranang singer ang iyang birthday wish nga makasaulog sa iyang  40th anniversary sa industriya.   “I just wish my dreams for this year will come true, to celebrate my 40th year in showbizness,” ni Zsa Zsa pa.

Ang "'Pag Tinadhana" kay gisuwat ug giprodyus ni ABS-CBN Music creative director Jonathan Manalo ug gilusad ubos sa Star Music.  

Madungog kini sa  nagkalain-laing music streaming platforms. 

Angelica naglikay nga ma-operahan

Panghinaot ni Angelica Panganiban  nga maka-recover na siya sa sakit niya sa bukog sa iyang paa.

Suma pa sa aktres nga labing maayo nga maalim dayon kini aron dili kini ma-operahan .

“Nakakaloka, pero sana magtuloy-tuloy ang recovery ko dahil iniiwasan nating magkaroon ng hip replacement.But, kung ano talaga ang gusto ng Panginoon, kung ‘yun ang gusto ng Panginoon. Lahat ‘yan may ibig sabihin, kung bakit ito nangyayari sa atin, ‘di ba?," sa aktres .

"Abot-Kamay Na Pangarap" extended

Extended napud ang afternoon series sa GMA-7 nga "Abot-Kamay Na Pangarap"  busa puwerting lipaya sa mga bitoon niini nga sila si   Jillian Ward ug Ken Chan .

 Dul-an na sa duha ka tuig sa ere  ang "Abot-Kamay Na Pangarap" .

"For two years po grabe 'yung suporta ng mga tao. And more than that po, masaya ako kasi lahat po kami may trabaho," saysay pa ni  Jillian ngadto sa GMA News.

Samtang  si Ken sa iyang bahin, mapasalamaton siya nga nahimong regular ang partisipasyon niya sa maong teleserye.

"Ngayon lang nangyari sa buhay ko na tumagal beyond one year," sa aktor pa.

Nalakip pud sa "Abot-Kamay Na Pangarap" sila si  Richard Yap, Bonnevie, Klea Pineda, Kazel Kinouchi,Carmina Villarroel,Jeff Moses, ug uban pa.