Jamie Rivera mihatag og kinabuhi sa Filipino Theme Song sa Jubilee 2025
CEBU, Philippines — Gilusad ni Jamie Rivera ang bag-ong inspirational song nga "Ningas ng Pag-asa," ang Filipino version sa opisyal nga theme song sa Jubilee 2025 nga nag-ulohan og "Pilgrims of Hope." Gisulat ni Maestro Francesco Sequeri ang "Pilgrims of Hope" nga mao ang tema sa The Jubilee 2025 nga sagad gisaulog sa Simbahang Katoliko matag 25 ka tuig.
Gitagik ni Jamie ang Tagalog nga bersyon niini nga gi-release ubos sa ABS-CBN label nga Inspire Music. Duna pu'y partisipasyon sa maong awit ang grupo nga 92AD nga naghatag kinabuhi sa "Jubilee Song (The Great Jubilee)" niadtong 2000 nga gisulat ni Fr. Carlo Magno Marcelo.
Sa wala pa ang "Ningas ng Pag-asa," ubay-ubay na ka praise songs ang gikanta ni Jamie nga ni-click gyud sa mga Pinoy. Kini naglakip sa “Only Selfless Love,” Tanging Yaman,” “We Are All God’s Children,” ug uban pa. Sa niaging tuig, gilusad usab niya ang collaboration singles nga “3 in 1” ug Faith, Hope, and Love.
Ang "Ningas ng Pag-asa" madungog sa nagkalain-laing music streaming platforms.
- Latest
