KC ug Mike nagbuwag?

Nabanhaw ang chika nga matud pa nagbuwag sila si KC Concepcion  ug ang iyang Swiss boyfriend nga si Mike Wuethrich. Gikatahong gi-unfollow napud nila ang  usag-usa  ang ilang mga account sa Instagram. Kapila  na ka higayon  nga gidungog nga matud pa  nagbuwag  ang duha.

Fans nila ni Paulo ug Kim gihangyo

Nihangyo si Paulo Avelino ngadto sa fans nila ni Kim Chiu nga unta dili dayon ipamugos  nga magkadayon sila sa co-star niya sa "What's Wrong with Secretary Kim".

Suma pa sa aktor nga angayan hatagan og igong oras si Kim aron hingpit kini nga ma-okay human kini napakyas  sa niaging relasyon.  Giklaro ni Paulo nga wala siya mag-apil apil ,apan gusto lang niya nga hatagan og igong higayon ang aktres  alang sa maong butang.

Nasayran nga gi-pressure sila si Kim ug Paulo sa ilang fans nga unta magkauyab sila sa tinoud nga kinabuhi.

Erik Dunay  awit kalabot sa paglaom

Ang pagpakalig-on ug puno sa paglaom taliwala sa mga pagsulay maoy mensahe nga gipaambit sa pop ballad royalty nga si Erik Santos sa iyang bag-ong kanta nga "Sagot Sa Aking Dasal." “Para sa lahat ng nagtiyaga upang maabot ang kanilang pangarap, ang awiting ito’y para sa inyo. Ito ang kwento ng pagsusumikap para maabot ko ang pangarap ko kasama kayo,” Instagram post ni  Erik.

Sinulat ni Yeng Constantino ang “Sagot Sa Aking Dasal” ug giprodyus kini ni ABS-CBN Music creative director Jonathan Manalo.

Unang nailhan si Erik  sa kadaghanan sa dihang nidaog kini sa "Star in a Million" season 1 niadtong 2003. Nagpadayon siya sa pagpabilib sa publiko sa iyang nagkadaiyang hit nga kanta sama sa "Pagbigan Muli," "I'll Never Go," ug “Bakit Ba Iniibig Ka.”

Nakadawat usab siya og awards gikan sa Awit Awards, FAMAS awards, ug PMPC Star Awards for Music ug giila nga King of Pinoy Teleserye Theme Songs.

Madungog ang  bag-ong single ni Erik nga "Sagot Sa Aking Dasal" sa nagkalain-laing digital streaming platforms.

Misalig kang Philmar

Giklaro ni Andi Eigenmann nga wala ra gyud siya naapektohan sa viral video sa iyang partner nga si  Philmar Alipayo ug sa content creator nga si Crissa Liaging. Suma pa ni Andi nga duna siya'y dakong pagsalig sa iyang hinigugma. Una na nangayo og pasaylo si Crissa ug nitataw nga wala siya'y dautang intensyon sa pag-upload sa maong video nga gihatagan og malisya sa pipila ka netizens.

Pakaslan gyud ni James

Naa na sa plano ni James Reid ang pagpakasal sa girlfriend niya nga si Issa Pressman. Suma pa ni James nga nagkataas  ang iyang edad busa kinahanglan nga magseryoso gyud siya sa iyang kinabuhi.

Nakat-onan ni Kiko

Gibutyag  sa aktor nga si Kiko Estrada nga daghan gyud siya og nakat-onan sa iyang amahan nga si Gary Estrada. Usa na niini mao ang pagbaton og disiplina sa kaugalingon ug trabaho.  

Anne nagpungasi ang projects

Todo balanse si Anne Curtis sa iyang

oras karong panahona gumikan sa iyang  tulo ka mga proyekto.

Gikabisihan karon sa aktres ang noontime show nga It's Showtime, ang iyang  action movie nga gidumala ni Direk Erik Matti, ug ang Pinoy adaptation sa sikat nga K-Drama nga  "'It’s Okay to Not Be Okay."

“Kakayanin natin 'yan. I love each show so much... so I’ll be making time for each and every one. Kaya 'yan, time management lang 'yan plus still not forgetting my family,” saysay pa niya ngadto sa ABS-CBN News.

Kauban ni Anne  sa "It’s Okay to Not Be Okay sila si  Joshua Garcia ug  Carlo Aquino.