Moira nakalangkat og 2 billion streams sa Spotify
![Moira nakalangkat og 2 billion streams sa Spotify](https://media.philstar.com/photos/2024/05/30/2_2024-05-30_00-11-42.jpg)
CEBU, Philippines — Nikulit napud og bag-ong dungog ang OPM singer nga si Moira dela Torre sa online streaming platform nga Spotify.
Sa Instagram post sa singer , gibutyag niya nga nakabaton siya 2 billion streams sa maong platform.
"Today you guys made me the first Filipino solo artist and the first Filipina artist to reach 2 billion streams on @spotify @spotifyph thank you. TWO BILLION TIMES THANK YOU," social media post ni Moira.
Si Moira ang nagpasikat sa "Tagpuan" "Malaya” ug “Paubaya”.
Gisabak ni Charee nakuhaan
Masulob-ong gisaysay ni Charee Pineda nga nakuhaan siya sa lima ka buwan niya nga gisabak.
"At 22 weeks and 1 day, our baby's heart stopped beating.Our hearts were shattered but it surely made our faith stronger,” social media post sa actress.
Gitataw ni Charee ug ang iyang bana nga kanhi konsehal sa Valenzuela City nga si Martell Soledad nga nagmalaumon gihapon sila sa mga positibong adlaw nga maabot sa ilang kinabuhi.
"We may not know why it had to happen, but we trust that the Lord has better plans and all we can do is to let go and surrender.I know in my heart we will see you again, my love,” dugang mensahe sa aktres.
Eddie Garcia Law gipirmahan na ni President Marcos
Hingpit na nga nahimong balaod ang lakang nga maghatag og proteksyon sa mga nagtrabaho sa industriya sa pelikula ug telebisyon.
Gipirmahan na ni President Ferdinand Marcos Jr. sa niaging adlaw ang Republic Act 11996 o Act Strengthening Compliance with Occupational Safety and Health Standards and Providing Penalties for Violations o nailhan isip Eddie Garcia Law.
Kahinumdoman nga nag-ugat ang pag-umol sa maong balaod sa dihang naaksidente ang beteranong aktor nga si Eddie Garcia sa taping sa usa ka TV series nga maoy rason sa kamatayon niini niadtong Hunyo 20, 2019.
Tungod sa nahitabo sa aktor, adunay lapad nga awhag nga hatagan og igong proteksiyon ang tanang nagtrabaho sa industriya.
Ubos sa Eddie Garcia Law, nakalatid ang saktong oras sa trabaho, suholan, insurance, ug uban pa nga benepisyo sa entertainment industry.
Gipahimagnoan sa maong bag-ong balaod ang mga employer nga hatagan gyud og igong proteksiyon ang matag empleyado.
Na-overuse ang contact lens
Nabalaka og maayo si Maricar Reyes gumikan kay nadaot ang iyang mata gumikan sa contact lens nga nagamit niya sulod sa taas nga oras. Tungod sa ka-busy niya sa taping, nakalimot ang aktres sa pagtangtang sa contact lens ug dinhi nisakit og maayo ang iyang mata. “I thought it’s just normal, pagod lang. So tinanggal ko ‘yung contact lenses ko before going to sleep at natulog na ako. Then at around 3 a.m., nagising ako to the most excruciating eye pain in my entire life,” ni Maricar pa.
Panawagan ni Divina
Nanawagan si Divina Valencia ngadto sa nagdumala sa FAMAS Awards nga ulian si Eva Darren sa mga nagastos niini. Matud pa nga dili lalim ang na-feel ni Eva nga nangandam gyud og maayo alang sa maong kalihokan apan kalit lang gihulipan isip presenter.
Dua Lipa motikang sa Pilipinas
Gianunsyo sa British singer nga si Dua Lipa nga motikang siya sa Pilipinas karong Nobyembre isip kabahin sa iyang concert tour nga nag-ulohan og "Radical Optimism". Gawas sa Pilipinas, mag-konsyerto usab siya sa Singapore, Indonesia, Japan, Taiwan, Malaysia, Thailand, ug South Korea. – Sanden J. Anadia
“Witchcraft” issue gikataw-an lang sa BINI
Hugtanon gihimakak sa girl group nga BINI ang nitumaw nga alegasyon sa usa ka religious social media page nga matud pa dunay kalabotan sa “witchcraft” ang hit song nila nga "Salamin, Salamin”.
Gikataw-an lang sa BINI ang maong alegasyon ug giklaro niini nga ang paghatag ra gyud og kalingawan maoy rason nga nahulma ang maong awit.
“Fake news po. Hindi po witchcraft ang ‘Salamin, Salamin.’ Maganda lang po yung song,” suma pa sa usa sa mga miyembro sa BINI nga si Maloi .
Samtang ang laing miyembro nga si Colet kay nagkatawa lang sa mga nahulma nga istorya sa maong kanta.
“Actually, nakita ko po yung post na yun. Nakakatawa po. Natatawa na lang po kami na may ganung nabubuong kwento and theories ang mga tao,” matud pa ni Colet .
- Latest