Andi wala kauyon sa gibuhat sa content creator?

CEBU, Philippines — Tataw nga wala mahimout si  Andi Eigenmann sa giingong tawo nga nag-post ug nag-edit og video  aron makakulit og atensyon.

Kahinumdoman pipila ka adlaw na nga nag-viral ang video kun diin dunay kaistorya  nga laing babaye ang hinigugma ni Andi nga si  Philmar Alipayo.

Gikatahong tugtan ra gyud ni  Andi si Philmar  nga molaag ug makigtagay  kauban sa mga higala niini.

"He can go out with his friends, go drinking every once in a while, and chat with whoever he wants. No harm in that.What's shameful is purposely posting and editing a video to cause a stir, disturbing the peace of people and dragging them into their negativity, just for some social media attention,” suma pa sa Instagram post ni Andi.

Dunay nagduda nga gipikhan ni Andi ang content creator nga si Crissa Liaging nga maoy kaistorya ni Philmar didto sa Siargao . Sa pag-upload ni Crissa sa maong video, duna kini background music  nga "Weak" sa  American R&B vocal trio  nga SWV.

Samtang si Crissa sa iyang bahin, nihangyo kini sa publiko nga dili angayan hatagan og malisya ang maong video.

"Ayaw ninyo butangi ug issue ang pag storya namong Philmar wala rata ka kumingking sa ka gwapa ni Andi! ,” matud pa ni Crissa. Matud pa niya nga wala siya’y  intensyon nga mohimo og isyu,ug igo ra gyud sila og nag-istorya ni Philmar.