Yeng dunay bag-ong awit

CEBU, Philippines — Pormal na nga gi-release  sa  singer-songwriter nga si  Yeng Constantino ang iyang  latest single nga nag-ulohan og  "Babala."

Madungog na ang maong awit sa nagkalain-laing  digital streaming platforms, samtang ang  lyrics video  niini  kay naka-upload sa  YouTube channel sa singer.

Si Yeng mismo  ang nag-compose sa  "Babala" ug gi-produce sa mga kanhi  miyembro sa  Eraserheads nga sila si Raymund Marasigan ug  Buddy Zabala

Gisuwat  kini sa singer isip pagpahungaw sa iyang emosyon .

Daniel mitingog na  kalabot sa viral video

Gihulagway ni Daniel Padilla  nga “OA” ang mga  tawo nga nagpataka og hatag og interpretasyon sa viral video kun diin nikanta siya og "Hinahanap?Hanap Kita" nga kuha atol sa iyang birthday celebration.

Tipik sa  linya nga gidugang  ni Daniel niadtong higayona kay , "’may kapiling ka ng iba."

Tungod sa maong pulong,.  pipila ka mga tawo ang nagduda nga  nagmaoy gihapon si Daniel sa breakup nila ni Kathryn Bernardo.

Sa taho sa ABS-CBN News,  gihimakak ni Daniel ang maong mga spekulasyon.

“Ang OA nun! Masyado ng OA ang mga tao, nag-e-enjoy lang ako,” suma pa ni Daniel. 

Cristy ug Ogie gikiha ni  Bea

Gipasakaan ni   Bea Alonzo og tulo ka managlahi nga  cyber  libel cases batok sa  showbiz columnists ug  online hosts nga sila si  Cristy Fermin,   Ogie Diaz ug  ilang  co-hosts sa tagsa-tagsa ka mga programa niini.

Sa taho sa GMA News ,  lakip sa gipasakaan og kaso ni Bea  mao ang usa ka online basher nga nagpaaron-ingnon nga iyang soud.

Base sa iyang affidavit  , gisaysay sa  aktres nga  biktima siya sa  dili tinoud nga mga istorya nga gibato kaniya  ug giingong wala kini basehanan.

Giingong gipikhan siya  og malisyoso nga mga istorya  ug usa niini  nga matud pa wala siya mobayad og saktong buhis.

Giubanan si  Bea sa iyang abogado nga si Atty Joey Garcia ug manager nga si Shirley Kuan sa pagsang-at sa kaso kagahapon didto sa Quezon City Prosecutors Office.

Pribado lang

Mas pilion ni Sunshine Cruz nga himoong pribado ang iyang love life.    Dili susama kaniadto nga giplastada gyud niya  og maayo ang iyang mga kanhi uyab. Gitataw sa aktres nga dili niya obligasyon nga ipanabi sa kadaghanan ang dagan sa iyang kinabuhi.

Nakadaog sa kaso

Mapasalamaton si  Vhong Navarro sa nahimong hukom sa  Taguig Regional Trial Court nga nagkombikto  nila ni  Cedric Lee, Deniece Cornejo ug laing duha  alang sa gipasaka niya nga kaso nga  serious illegal detention batok sa  nahisgotan nga mga indibidwal. Nagpasalamat usab siya sa  Streetboys, It’s  'Showtime' family ug sa iyang fans nga nisuporta gyud kaniya.

Makeup challenge

Nilugwa si JM de Guzman, 'Asoka' makeup challenge ni Donnalyn Bartolome. Gikatahong uso na kaayo sa  social media  ang maong challenge .Taod-taod na nga nangulitawo si JM kang Donnalyn . "Nanliligaw pa rin ako ... willing to wait pa rin. Masaya, pinayagan niya akong makipag-date sa kanya. Happy," matud pa sa aktor.

Nagsapaw sa entablado Francine ug Orange & Lemons  nag-viral

Kasamtangan  nga gisumsoman karon sa social media ang  usa ka event sa  San Jose, Occidental Mindoro sa niaging gabii  kun diin  ni-perform ang  Kapamilya actress nga  si Francine Diaz ,ingon man usab ang banda nga Orange and Lemons.

Base sa gi-post nga video sa netizens , makita nga nag-andam sa ilang mga instrumento  ang bandang Orange and Lemons aron motukar .

Apan nisingit ang  host ug gipaila-ila si  Francine.

Suma pa sa  host, “Bago tayo maki-jam sa ating banda, may isa munang gustong sumorpresa sa inyong lahat… palakpakan po natin Ms. Francine Diaz.”

Samtang naa sa entablado si Francine , nabatyagan  nga dunay komosyon  sa luyo ug giingong naglalis ang usa ka miyembro sa banda ug organizer.

Samtang nagkanta si  Francine, dunay misapaw nga tingog sa gitara busa dili kaayo madungog ang  tukar ni Francine.

Nihangyo nalang ang aktres sa mga  tawo sa sabayan siya sa pagkanta.

Duna pu’y nakabantay nga ni-walkout ang banda  ug giingong wala kini nahimout  nga duna gisingit sa oras sa ilang pag-perform.

Sa habig sa   lead guitarist sa  Orange and Lemons nga si Clem Castro, nangayo kini og pasaylo sa maong hitabo  .

Apan nipahingaw kini sa iyang yangungo kalabot sa paghatag og respeto sa artist nga susama kaniya.

 “Gusto ko lang maghingi ng paumanhin, pero kailangan kong sabihin ito, para sa mga artist na…. kasi dapat kaninang 11:00[p.m.] pa kami dito, e. Pero sana naman, walang sumisingit, yun lang.Respeto lang ba. Yun lang. Gusto ko lang sabihin yun.Ayokong masira yung pag-enjoy natin ngayong gabi,” matud pa ni Clem.

Gisumsoman usab ang  Instagram Stories ni Francine nga giingong dunay pasumbingay   ug naghisgot kini og  respeto.

“Mad respect for everyone who stayed up late. respect goes both ways. gn!!,”kabahin sa mensahe sa aktres sa Instagram.

Pipila ka netizens ang nikomento nga dunay   sala ang mga organizer , sanglit igo ra gyud mag-agad ang artists sa skedyul sa ilang pag-perform. 

"Magandang Buhay" magpabilin sa ere

Hugtanong  gihimakak ni  Jolina Magdangal ang niulbo nga taho nga matud pa manamilit na ang  programang "Magandang Buhay" .

Suma pa ni Jolens nga dunay mga episodes nga gi-replay  apan gitataw  niya nga duna na’y skedyul alang sa paghimo og bag-ong episodes.

Kauban niya sa maong programa sila si  Regine Velasquez ug Melai Cantiveros.

Kahinumdoman nga nagsugod sa ere ang  "Magandang Buhay" niadtong  Abril 2016.

Kadungan sa pagsakay og elevator

Nahimamat na ni Anne Curtis sa personal ang mga miyembro sa K-pop group nga ENHYPEN nga sila si Jake ug Sunghoon.

Pipila ka Instagram followers ni Anne ang nahugyaw sa hulagway nga gi-post sa aktres kun diin katupad niini ang nahisgotan nga Korean stars.

Gikatahong nakadungan ni Anne sa pagsakay og elevator sila si Jake ug Sunghoon.