Finale Week Komprontasyon magbaha sa “Makiling”

CEBU, Philippines — Nagkainit nga mga komprontasyon ang mahitabo sa  Kapuso afternoon series nga "Makiling"  nga naa na karon sa finale week.

Suma pa sa bida niini nga si Elle Villanueva nga dunay mga makapakugang nga twists nga nagtangag sa  maong teleserye.

Moulbo ang mga rebelasyon sa mga karakter nila ni Elle, Derrick Monasterio, Thea Tolentino, Kristoffer Martin, ug Myrtle Sarrosa

"Yung batohan ng lines namin, talagang pinaghandaan, para makuha talaga yung emosyon, lalo na ang bigat ng dinadala ng mga karakter namin," matud pa ni Elle atol sa mediacon sa niaging adlaw.

Kahinumdoman nga gikagat usab ang presensya sa “Makiling” sa online.

Ang weekly trailers niini kay makaangkon  kasagaran og 1  million views sulod sa 24 oras sa nagkadaiyang Kapuso   social media platforms.

Gi-produce ang “Makiling” sa GMA Public Affairs nga mao usab ang nagpaluyo sa  hit TV series nga Black Rider, Lolong, The Write One, ug Owe My Love.

Ang  creative team  kay gilangkoban nila ni GMA Public Affairs Senior Assistant Vice President Neil Gumban, Senior Program Manager Karen C. Lumbo, Program Manager Mark Anthony Norella, Over-all Executive Producer Rochelle Marcelo, Executive Producer Ana Dominique Del Mundo-Austria, ug Executive Producer for Post Perry Laylo.

Orihinal kini nga konsepto nila ni Aeious Asin ug Reign Loleng.

Ang Carlos Palanca Memorial Awardee nga si Clarissa Estuar-Navarro maoy writer sa maong revenge drama, ug ubos kini sa direksyon ni   Conrado Peru.

Nalakip pud sa creative team sila si Aya Anunciacion, RM Diamzon, Anthony Rodulfo, ug Tin Gara.