Sofia nag-debut shoot sa Taiwan

CEBU, Philippines — Sa Taiwan  gihimo ang pre-debut shoot sa Kapuso actress nga si Sofia Pablo ug siya mismo ang nagsilbing creative director.

Si AJ Javier ang nangulo sa iyang glam team ,samtang ang iyang photos ug video kay ang Nice Print Photo.

Ang iyang  official debut hashtag kay ang "#SofiasTropical-JourneyTo18".

Usa sa gisuroy sa aktres mao ang  Taipei Main Station. - Sanden J. Anadia

Kwadradong Bitoon ugma na!

Naa gyud sa ulahi ang pagmahay human sa mga engkuwentro nga gisagobang sa mga tawo. Usa lang kini sa mga nagpahipi  nga mensahe sa lenten drama special nga "Kwadradong Bitoon".

Hisgotan usab niini ang panagbangi sa pipila ka mga sakop sa usa ka  pamilya. Gibidahan  kini nila ni Rutchel Borbajo Lormil Star Cabrera De Gracia ,Alan Goliat Nacorda, ug Tess Diez.

Aduna pu'y espesyal nga partisipasyon niini sila si Noel Jumao -as, Roque Destacamento, Bella Oppus Obenza  ug Liza Nacorda.

Ubos kini sa direksyon ni  Tess Diez  inabagan ni Jim Carba.

Si Andro Banate ang writer sa  "Kwadradong Bitoon", ug ang ubang sakop sa production team niini mao sila si Dave Samaco (cinematographer), Nimo Cabarles (editor ), ug Richard Lisondra (crew).

Nagsilbi usab nga producers sila si  Borbajo, Diez ug de Gracia. Ang "Kwadradong Bitoon" kay  makita sa CCTN -47  karong Marso 27 (1:00pm- 2pm) Marso 28 (11:30- 12:30) ug Marso 30 (10:30-11:30am).

Jodi nataptan og COVID-19

Nataptan si  Jodi Sta. Maria  og COVID-19 ug mao kini ang rason nga wala siya katambong sa special tribute alang kang Johnny Manahan.

Gani andam na diay unta ang outfit ni Jodi alang sa maong espesyal nga okasyon.

Dili tinuod ang chismis nga gibawian siya og imbitasyon  kay mas gipaboran si  Claudine Barretto sa maong kalihokan.

KC mipalit og property sa Palawan

Gipaneguro ni KC Concepcion nga duna siya'y makita sa mga hinagoan sa showbiz.

Bag-ohay lang nipalit og property ang aktres sa  San Vicente, Palawan.

Sa pagtikang niya sa maong dapit, gikauban niya ang mga engineer.

“A place to be enjoyed by my loved ones one day,” Instagram post ni KC. 

Ipatigbabaw gyud ang gugma

Gipaneguro ni Jennylyn Mercado nga mopatigbabaw gyud ang gugma sa kaminyoon nila ni Dennis Trillo busa dali ra sila mag-uli kun mag-away sila.

"Laging mangingibabaw talaga yung pagmamahal," saysay pa ni Jennylyn  ngadto sa "Fast Talk with Boy Abunda."

Matud pa sa aktres nga dili sila magsyinagitay  ni Dennis kun mag-away sila.

“Yung parang pag meron nang naiinis... yung pabalang na ’yung sagot, ganyan, stop muna. Hiwalay muna tayo, mga ilang minuto, ilang oras. After nu’n pag okay na ’yung isa sa’min, lalapit na ’yung isa sa’min, ta’s maayos na,” dugang pa ni Jennylyn. 

Moduwa sa “Family Feud”

Molugwa ang  pipila  ka hosts sa “It’s Showtime” sa usa ka episode sa  programa ni Dingdong Dantes sa   GMA-7 nga “Family Feud”. Langkoban kini og   duha ka grupo, ang Team Vice Ganda  kun diin ang mga miyembro niini mao sila si Jhong Hilario, Jugs Jueta, ug Amy Perez. Nalakip pud sa  Team Anne Curtis sila si Vhong Navarro, Teddy Corpuz, ug Ogie Alcasid. Kabahin kini sa promosyon sa  “It’s Showtime” alang sa pag-ere nila sa GMA-7 sugod karong Abril 6.

Albie bida sa "Kasalo"

Gitataw ni Albie Casiño nga sa kadugay niya sa showbiz, labing maayo nga suwayan pud niya ang mga wala niya nabuhat kaniadto. Usa si Albie sa mga bida sa bag-ong Vivamax movie nga “Kasalo” kauban sila si  Vern Kaye, Rash Flores ug Mia Cruz. Mao kini ang ikatulong Vivamax project ni Albie human sa kalamposan sa  “Eks” ug “Salawahan.”

Nangandam og sayo

Gibutyag ni Vice Ganda nga nangandam na og sugod si  Vhong Navarro alang sa segment nga "Magpasikat" sa It"s Showtime karong Oktubre. Gani nang-recruit na kini og kauban ug usa na niini si Darren Espanto.