Nadine nataypan ni Min-Kyu

CEBU, Philippines — Nataypan sa  South Korean star nga si Park Min-Kyu ang kaanyag sa aktres nga si Nadine Lustre.

Sa Instagram, gipasigarbo  ni Min-Kyu ang usa ka  video kun diin makita nga nagtupad sila sa aktres.

Nahitabo kini sa dihang nagkaabot sila sa usa ka   event didto  sa South Korea.

“She was really beautiful,” caption pa ni  Min-Kyu sa maong video.

Jiro milugwa sa music video

Nalakip ang kanhi child star nga si  Jiro Manio sa music video sa awit nga “Magbalik” version 2.0 sa  bandang Lily.

Kahinumdoman nga taod-taod na nga wala makita si Jiro sa limelight.

Mas gigahin  ni Jiro ang iyang oras sa pag-volunteer sa usa ka rehabilitation center. 

Nikko pasok sa Batang Quiapo

Gipasulod sa Kapamilya action series nga

"FPJ's Batang Quiapo" ang aktor nga si Nikko Natividad .

Siya ang nidala sa karakter ni  Emong nga paboritong apo ni Betchay (Erlinda Villalobo),ang apohan ni Bubbles(Ivana Alawi) .

Nailhan si Nikko sa kadaghanan human kini nisalmot sa "Pinoy Big Brother" ug nahimong miyembro sa grupong  Hashtags.