“Huni Kang Santo Padre Pio Alang Sa Santuario”

CEBU, Philippines — Pormal na nga gipahibalo sa Saint Padre Pio Home for the Relief of Suffering-Philippines Foundation Inc. ang labing una nila nga songwriting competition nga nag-ulohan og “Huni kang Santo Padre Pio alang sa Santuario” .

Nanawagan na sila karon sa mga mahiligon mogama og awit  sa tibouk kalibotan nga mosalmot sa maong kompetisyon.

Tumong niini ang pagpahibaw sa kadaghanan alang sa mga maayong nahimo ni Santo Padre Pio.

Ang matigom niini kay maoy gamiton usab sa nagpadayon  nga konstruksyon sa Santuario  ni  Padre Pio nga nahimutang sa  Barangay Pulangbato, bukirang bahin sa Dakbayan sa Sugbo.

Atol sa presscon kagahapon,nagkanayon si  Msgr .Roger Fuentes ,ang Spiritual leader sa Padre Pio Contemplative Community of Cebu,  nga katuyoan  pud ining ilang  kalihokan sa musika mao ang pagtimbaya  sa adlaw nga natawhan sa maong santos.

Ang pagpasundayag sa mapili  nga opisyal nga finalists  kay mahitabo karong Mayo 25, 2024 diha sa IC3 Convention Center Cebu.

Suma pa sa event director nga si Aljin Abaquita  ug sa musical director nga  si Roy Tabasa nga  walay age limit   sa gustong mosalmot  niini  ug dili usab istrikto sa mga genre.

Suma pa sa  group leader sa maong international organization nga si Dr. Richard T. Saing  ug   presidente sa foundation nga si Maximiano Fulache  nga espesyal kaayo sa kinabuhi sa katawhan ang mga maayong binuhatan sa St. Padre Pio nga nitabang gyud sa mga nanginahanglan .

Nagkanayon ang  assistant director sa maong kompetisyon nga si Jan Paolo Villaluz nga nagpadayon ang pagluto alang sa dagkong papremyo niini .

Ang mga mananaog kay makadawat og P100,000 (grand champion ), P75,000 (1st runner-up) P50,000 ( 2nd runner-up), P10,000 (best Interpreter ), P10,000 (best arrangement) ug  P10,000 (Best Recording  Audio ).

Ang ubang finalists kay makadawat og P20, 000.

Gitagaan og dul-an sa  usa ka buwan nga pagpangandam ang mga gustong mosalmot ,  kay hangtod sa Abril 6, 2024 sa 11:59 sa gabii  ang pagpadangat sa entries .Mag-agi kini og lapad nga screening aron maporma  ang opisyal nga finalists.

Ang opisyal nga entry form ug ang ubang detalye kay ma-download  sa Facebook Page nga "Huni Kang Santo Padre PIO". 

Sarah ug Rochelle nagkasinabot sa Spaghetti Song

Trending ang video nila ni Sarah Geronimo ug  Rochelle Pangilinan kun diin gisayaw nila ang sikat nga Spaghetti Song .

Nagkasugat ang duha sa usa ka mall sa Cubao sa niaging adlaw ug nagkumustahay  hangtod nga nagkasinabot nga sayawon ang  Spaghetti Song .

Nahimout pag-ayo ang mga tawo nga nakakita sa ilang performance.

“A Soldier’s  Heart”, unang arabic-dubbed Pinoy series nga makita sa Middle East

Ang action drama series sa ABS-CBN nga  “A Soldier’s Heart” maoy labing una nga  Arabic-dubbed Pinoy series nga makita  sa Middle East human nipirma og  kontrata ang Rabee Alhajabed Art Production & Distribution FZE.

Makita ang  "A Soldier's Heart" sa tulo ka streaming platforms  nga Maraya, Shofha, ug Weyyak, nga nagbase  sa Egypt, Saudi Arabia, United Arab Emirates, ug uban pa nga  Arab-speaking territories.

Usa sa mga bida sa maong drama action series mao ang aktor nga si Gerald Anderson.

Samtang isunod pud dayon ang  action-fantasy drama nga "Darna," nga gibidahan  ni Jane De Leon nga makabaton pud og Arabic-dubbed version. 

Ubay-ubay na  ka Kapamilya programs ang naabot sa  nagkalain-laing dapit   sa kalibotan ug kini sama sa “Hanggang Saan,” “Mea Culpa”, “The Good Son” , “Forevermore” ug uban pa.

Sa pagka-karon , nakabaligya na ang ABS-CBN og kapin sa  50,000 ka oras nga content sa 50 ka mga nasud sa  Asya, Africa, Europa, ug Latin America.