Edgar ug Shaira dugay na  nga engaged

CEBU, Philippines — Miangkon na ang mag-uyab nga sila si  Edgar Allan Guzman ug  Shaira Diaz nga engaged na sila pipila ka tuig na ang nilabay .

"From ‘me’ to ‘we’, to FOREVER," caption pa sa ilang engagement photo nga gi-post nila sa Instagram.

Nahitabo ang  engagement niadtong  Disyembre 25, 2021.

Gi-post usab nila sa ilang social media account ang video  sa proposal .

Nagkauyab sila si Edgar ug Shaira niadtong Pebrero  17, 2013 . 

Lungon ni Dingdong sa “Rewind” nahalin

Hingpit na nga nahalin ang lungon nga gigamit ni Dingdong Dantes sa pelikulang "Rewind” ug ang vlogger  nga si Boss Toyo maoy nakapalit niini.

Gihatod mismo sa tag-iya sa punenarya nga St. Athanasius Memorial Chapel nga  si Pasky  Ilagan  ang maong metal nga lungon ngadto sa shop ni Boss Toyo.

Atol sa  unang negosasyon, nangutana si  Boss Toyo sa presyo sa lungon  ,ug  nitubag dayon  si  Ilagan og  P1 million.

Human sa grabeng hinangyoay  , nakab-ot sa duha ka habig ang presyo nga P250,000.  Nanawagan usab si  Boss Toyo ngadto kang Dingdong nga pirmahan niini ang lungon nga nagpamatoud nga mao kini ang gigamit sa pelikula. 

“Sir Dingdong, alam ko nanood ka lagi ng ‘Pinoy Pawnstar’ so dito sa harapan ko 'yung hinigaan mo sa ‘Rewind’, I hope 'pag nagkasundo kami ni sir, pasyalan mo naman ako sa aking munting shop para mapirmahan mo,” niya pa.