Hairstyle ni Loisa gidudahan

CEBU, Philippines — Wala palabya sa mga himantayon  ang pagpamubo ni Loisa Andalio  sa iyang buhok ug gihimoan kini og negatibong kahulogan. Pipila niini kay nagduda nga basin buwag na sila si Loisa ug Ronnie Alonte .

Kahinumdoman nga dunay  mga babaye nga bag-ong  mabuwagan kay magpamubo  sa ilang buhok.

Apan pipila sa fans sa duha ang dali nga nidepensa ug nitataw nga nagpabiling lig-on ang relasyon sa ilang mga idolo .

Matud pa  nga  bag-ohay lang nga  nag-uban ang duha busa imposible kaayo ang maong mga pagduda.

Sugdan karong Marso

Gikatakdang mosikad karong Marso  ang  Pinoy version sa South Korean series nga  "What's Wrong With Secretary Kim"   nga gibidahan nila ni Kim Chiu ug  Paulo Avelino .  Makita kini sa streaming site nga  Viu.  Nasayran nga kolaborasyon kini sa Viu ug ABS-CBN Studios ..Dalhon sa duha ang karakter nila ni Secretary Kim ug  Mr. Vice-Chairman nga unang gidala kaniadto nila ni  Park Min-young ug  Park Seo-joon..

BB mitungha sa film school

Kasamtangang nitungha si BB Gandanghari didto sa Amerika partikular na sa Los Angeles Film  School.  Malipayon usab niya nga gipaambit ang taho   nga bag-ohay lang siya napili nga  Student of the Month sa ilang tunghaan. “High grades besides an obvious indication of excellence, is actually a motivation to strive even harder to create a better future through formal education. Thank you the Los Angeles Film School for this motivation as much as it is a challenge to carry on. Education is the mother of Leadership,” social media post ni BB.

Korean suitor

Giangkon  ni  Kristel Fulgar nga duna siya’y Korean suitor.   Gipublikar niya kini pinaagi sa iyang vlog, ingon man usab sa pipila niya ka TikTok videos. Usa kini sa rason nga blooming siya karong panahona.  —Sanden J. Anadia

Social Media

Gipasigarbo ni  Heaven Peralejo ang gi-post niya nga  sexy photo.  (IG; heavenparalejo)

* * *

Nisalmot og kalutaw ang kaanyag  ni  Xyriel Manabat sa bag-o niya nga hulagway gikan sa usa ka  photoshoot. (IG; xyrielmanabat)