Miundang na sa paghubo

CEBU, Philippines — Wala na’y plano ang aktor nga si Christian Vasquez nga modawat og daring roles gumikan kay ni-grauate na siya niini.   Matud pa sa aktor nga 46 anyos na siya ug wala na gyud masulod sa iyang huna-huna ang maong klase nga role.  —Sanden J. Anadia

“HBD” gidalit ni Maki

Bag-ong awit ang gidalit karong buwana  sa  Kapamilya artist nga si Maki ug kini mao ang iyang alternative pop single nga nag-ulohan og  “HBD.”

Dunay higayon nga nag-una kini sa  New Music Friday sa  Spotify Philippines ug nahimong  cover artist  si Maki sa maong  playlist.

Ang  awit nga  “HBD”  kay kalabot sa tawo nga nakahinumdom sa birthday sa kanhi niya uyab  ug naghuna-huna kun mo-reach out  ba siya niini o dili.

Naghisgot usab kini sa hingpit nga pagdawat sa naputol nga relasyon, Madungog ang “HBD” sa nagkalain-laing  music platforms.  

Barkada nga nahulma sa “One More Chance”

Bisan pa man sa ilang ka-busy, gipaneguro nila ni Bea Alonzo, Dimples Romana, ug Beatriz Saw nga magka-kumustahay gihapon sa personal.

Gihulagway ni Bea ang iyang mga higala nga iyang “unpaid  therapists” .

Nagkita ang tulo sa niaging adlaw sa usa ka restaurant  ug nag-ugat ang  ilang panaghigalaay sukad sila nagkauban kaniadto sa pelikulang   “One More Chance”.

Daniel magpabilin sa ABS-CBN

Magpabilin si  Daniel Padilla sa Star Magic ug dili tinoud ang niulbo nga taho nga matud pa dili mo-renew ang aktor sa talent management agency sa ABS-CBN.

Kahinumdoman nga nikisaw  ang maong hungihong   human nagbuwag sila si Daniel ug Kathryn Bernardo.

 Gikatahong nakalinya na ang mga proyekto ni Daniel sa ABS-CBN .Sunod buwan gikatakdang mo-renew  ang aktor sa Star Magic