Panahon na nga magbuwag

CEBU, Philippines — Inigkahuman sa ilang teleserye  nga “Pira-Pirasong Paraiso” , gusto sa mag-uyab nga  Loisa Andalio ug  Ronnie Alonte  nga dili na sila mag-uban sa sunod nila nga proyekto.   Suma pa ni Loisa nga pito na sila ka tuig isip magka-love team busa panahon nga magbuwag na sila og mga proyekto. 

Nagtingog na

Gikumpirmar ni Anjo Yllana nga nagkauli na ang maayong kabubut-on nila sa iyang isgoun nga si  Jomari Yllana.  Nahitabo ang  ilang panagtingog  og balik  sa panimalay sa ilang igsuon nga si Ryan Yllana. Kahinumdoman nga duha ka tuig nga wala magtingog ang duha tungod sa personal nga panagbangi.

Wala malain

Giklaro ni  Alessandra de Rossi nga wala ra siya malain sa dihang wala siya kadaog  pagka- best  supporting actress sa 49th Metro Manila Film Festival. Suma pa niya nga dili niya angay ikumpara ang iyang kaugalingon sa ubang mga nominado. Nalakip ang aktres sa pelikulang Firefly.

Nina mag-concert sa Sugbo 

Nagpanikad na ang  Cebuano fans sa singer nga si Nina  gumikan kay dunay umaabot nga  pre-Valentine concert ang ilang idolo nga mahitabo karong Pebrero 9, 2024 diha  sa Pacific Grand Ballroom sa  Waterfront Cebu City Hotel.

Ang  maong konsyerto  kay nag-ulohan og  Only Nina ug nagmalaumon ang singer nga makadawat og mainitong suporta sa mga Sugbuanon.

Atol sa iyang  presscon dinhi sa Sugno, giangkon  ni Nina nga ang maayo niya nga batasan nga iyang gipakita  ngadto sa  kaubanan niya sa  industrisya maoy usa sa mga rason kung nganong  wala gihapon molubad ang iyang karera.

Gipangandoy sa singer nga makaumol og kolaborasyon ngadto   kang Zack Tabudlo ug sa banda nga Ben and Ben.

Aminado ang Diamond Soul Siren nga wala’y kahupasan ang iyang supporters ug mao kini ang naghatag kaniya og igong kusog alang sa padayon niya nga pagdalit og musika.

Pipila sa sikat niya nga mga awit kay "Someday", "Foolish Heart,"Jealous" , "Araw Mo", “Love Moves in Mysterious Ways” ug uban pa.

Ang iyang  pre-Valentine concert kay ubos sa direksyon ni  John Prats samtang si Ivan Lee Espinosa usab ang musical director niini.Gipaluyohan kini sa  Vera Group inubanan sa  District One.

Mapalit ang concert  tickets sa  SM Tickets outlet nationwide, o ba kaha sa   SMTickets.com. Duna pu’y mapalit nga ticket sa  Waterfront Cebu City. 

Bangs mihatag og katin-awan sa iyang bikini post

Gitambagan ni Bangs Garcia ang katawhan nga  magbinantayon sa ilang mga komento ngadto sa ilang tawo ug dili  kini hukman dayon.

Mao kini ang mensahe ni Bangs ngadto sa iyang bashers nga  nipagawas og negatibo nga mga pulong batok kaniya gumikan sa gi-post niya nga sexy photo sa iyang social media account .

Giklaro ni Bangs nga tumong niya sa pag-post sa maong hulagway  mao ang paghatag og inspirasyon ngadto sa  susama kaniya nga mga inahan,

"This post is to enlighten all of you that my main goal has ALWAYS been to inspire people, especially mums.Otherwise I’d be a miserable person now who’s despised by my friends & family as bragging isn’t the principle they have instilled in me.

Be reminded that every person’s different, our realities are different. One’s issue could vary in severity. The best is to respect each other’s truths & realities,” Instagram post ni Bangs.

Gipakita niya nga  dili angayan ikaulaw  ang iyang lawas bisan pa man nga duna na kini kausaban sukad siya nahimong inahan.

"If you zoom in my photos, you’ll clearly see that my tummy isn’t the way it used to be but as I’ve said, I’ve finally come to terms with it,” niya pa. Gipaneguro niya  nga dili siya magpaapekto sa isulti sa ubang tawo.

"Plus, I do try my best to take care of myself. It’s not magic, it’s discipline. It took me ages to have the confidence to wear a bikini again.If this is my truth & reality and you got a prob with it, then it’s very sad ‘coz you can always choose to be a half glass full kind of person & act/react positively,” dugang post ni Bangs.