Pambato sa Pilipinas , 3rd runner-up sa Ms. Global 2023
CEBU, Philippines — Ang pambato sa Pilipinas sa Miss Global 2023 nga si Pearl Hung maoy third runner-up sa maong indigay nga gipahigayon didto sa Phnom Penh, Cambodia sa niaging gabii.
Si Ashley Melendez sa Puerto Rico maoy nakoronahan isip Miss Global 2023.
Niabot sa 70 kandidata ang nagtigi sa maong titulo.
Napili nga first runner-up si Miss Samoa Haylani Pearl Kuruppu.
Second runner-up usab si Miss Vietnam Thuy Doan.
Liza gilinyahan og acting projects
Gibutyag ni Liza Soberano nga motodo ang iyang pag-arte karong tuiga . Matud pa sa aktres nga nakalinya na ang iyang acting projects.
Sa pagsulod lang karong tuiga, gisugat na siya og Hollywood project pinaagi sa pelikulang "Lisa Frankenstein".
Teejay nangita og uyab
Gawas sa dugang mga proyekto sa showbiz , usa sa mga pangandoy ni Teejay Marquez karong tuiga mao nga makabaton og uyab.
Gusto ang aktor og uyab nga makasabot sa ka-busy sa iyang trabaho.
Aminado si Teejay nga wala'y perpekto nga relasyon apan gusto lang niya nga ipatigbabaw sa maong butang ang pagsinabtanay.
GL series target ni Gabbi
Gitingoha ni Gabbi Garcia nga mahimong kabahin sa usa ka girls' love (GL) series gumikan kay wala gyud siya makasuway sa maong klase nga proyekto.
"Feeling ko masaya din siya gawin,” suma pa ni Gabbi atol sa paglugwa niya sa vlog ni Luis Manzano. Usa pud sa mga karakter nga iyang gipangandoy mao nga mahimong girl big boss.
- Latest
