Titulo nga Ms. Cebu 2024 nakuha ni Zoe
![Titulo nga Ms. Cebu 2024 nakuha ni Zoe](https://media.philstar.com/photos/2024/01/19/2_2024-01-19_00-08-25.jpg)
CEBU, Philippines — Si Zoe Cameron mao ang nakoronahan nga Miss Cebu 2024:The Quintessential Cebuana atol sa gipahigayon nga grand coronation night sa Waterfront Hotel and Casino sa Dakbayan sa Sugbo niadtong Enero 17, 2024.
Maingon nga ang maong gabii alang gyud kang Zoe human kini nanghakot og mga pasidungog nga sama sa Miss Oro Galleria, Miss Charity Bingo Plus, Miss MyTV Cebu ug ang The Remedios Duterte Delmar Heritage Award.
Ang The Remedios Duterte Delmar Heritage Award by Acebedo Optical ug ang The Remedios Duterte Delmar Carnival Queen Best Designer Award naghatag og pasidungog sa labing unang natala nga Beauty Queen sa Sugbo. Makasaysayanon ang maong awards gumikan kay mao kini ang naghatag og kahulogan kun maghisgot og indigay sa kaanyag dinhi sa Sugbo.
Gikatahong usa ka basketball athlete ang nahisgotan nga beauty queen.
Mabulukon ug engrande sab ang maong gabii human nga gisugdan ang maong kalihukan sa pinaagi sa pagpasundayag sa "Carnival Beauties in the late 20s," kun diin lakip sa mipasundayag ang host nga si Markki Stroem inubanan sa Knapsack Dancers, KDF-KanSugbo Dance Fusion, ug sa University of Cebu Dance Company.
Gipasundayag sab prestihiyosong indigay sa kaanyag sa Sugbo ang mga maanindot nga mga mugna sa Cebuano designers atol sa The Urban Cebu Wear.
Ang mga mugna nila ni Mike Yapching, Brian Aloquin, Peewee Senining ug Edwin Ao mao ang gisu-lob sa mga kanindata aron nga ipakita sa kinabag-an nga maayo mogama og delikadad nga mga estilo sa panamit ang mga Sugbuanon.
Ang tema sa The Evening Gown karong tuiga mao ang Black and White kun diin gisul-ob sa mga kandidata ang ma ginama nila ni Jun Escario, Dino Lloren, Dexter Alazas, Albert Arriba, Wendell Quisido, Oj Hofer, Philipp Tampus, Ren Manabat, Valerie Alvez, Marichu Tan, Rei Escario, ug Harley Ruedas.
Nahimong mga runner up ni Zoe mao sila si First Runner-up Joelle Devine Uy; Second Runner-up Danielle McKaye Dela Cruz; Third Runner-up Angel Jane Ruiz, ug Fourth Runner-up Shaina Michelle Reyes.
Si Cebu City Mayor Michael Rama maoy nangulo sa paghatad og award ngadto sa rayna.
- Latest