Isla Babuyan

CEBU, Philippines — Dili basta-basta ang ipakita ni Jameson Blake sa pelikulang Isla Babuyan kay mas mo-level up siya sa init nga mga eksena. Si Geraldine Jennings ang kapares niya sa maong  pelikula.  Nalakip pud sa Isla Babuyan sila si  Lotlot de Leon, Nathalie Hart, Paolo Gumabao, Dave Bornea, ug  James Blanco.

Simple nga tubag

Gibutyag ni  Xian Lim nga ang tanang nahitabo sa kinabuhi  kay dunay igong rason,   Mao kini ang pasumbingay sa aktor kalabot sa panagbuwag nila ni Kim Chiu. Dili na mohatag si Xian og dugang komento kalabot sa maong butang,

Melai nag-sorry

Nangayo og pasaylo si Melai Cantiveros  ngadto sa bag-ong magtiayon nga sila si  Robi Domingo ug Maiqui Pineda gumikan sa kasabaan niini sa  wedding reception.   Nailhan si Melai sa iyang pagka-komedyante ug   pipila  pud sa iyang soud nga nga mga higala ang nitambong pud sa maong kalihokan.

Pagsulat og kanta gisudlan  ni Kristel

Si Kristel Fulgar mismo ang nagsulat sa iyang bag-ong single nga  "Never Close Enough"  ug nahulma kini sa dihang nibakasyon siya sa Amerika sa niaging tuig.

Nitabang kaniya sa pagtagik sa maong kanta ang higala niya nga si Ysabelle Cuevas.

Masaligon ang singer nga mataypan kini sa katawhan ilabi na kadtong nagtingoha nga maangkon  ang  tinud-anay nga kalipay.

"Thank you to all of my friends and supporters for always being there for me through the ups and downs. I hope this song motivates every one of us to keep moving forward until we find our true happiness," nagkanayon si Kristel.

Liza gidayeg sa Hollywood actress

Nakadawat og pagdayeg ang  aktres nga si Liza Soberano gikan sa  Hollywood actress nga si Kathryn Newton kinsa kauban niya sa  pelikulang  “Lisa Frankenstein”.

Sa Instagram account ni  Liza sa niaging adlaw , gi-post niya ang  trailer sa maong pelikula.

Sa  comment section sa maong  post, nibilin og  komento si  Kathryn alang kang  Liza.

“You are the best part of this film,” mensahe pa sa maong  international star alang kang Liza.