Britney walay planong mobalik sa music scene
CEBU, Philippines — Giklaro sa Pop star nga si Britney Spears nga wala siya’y plano nga mobalik sa music industry busa dili tinoud ang nitumaw nga taho nga matud pa mogama siya og bag-ong album.
"Just so we’re clear most of the news is trash! They keep saying I’m turning to random people to do a new album… I will never return to the music industry!!!" Instagram post ni Britney. Kung siya ang pasultion, mosuwat siya alang sa laing tawo o magsilbing ghostwriter,
"When I write, I write for fun or I write for other people!!!"For those of you who have read my book, there's loads that you don't know about me… I've written over 20 songs for other people the past two years!!! I'm a ghostwriter and I honestly enjoy it that way !!!,” dugang pa niya.
Katapusang album ni Britney kay ang Glory niadtong 2016. Siya maoy nagpasikat sa awit nga Lucky , Toxic , Oops!…I Did It Again ug uban pa.
“Interwined “ molusad sa ilang album dinhi sa Sugbo
Kasamtangang nitikang dinhi sa Dakbayan sa Sugbo ang music artists nga sila si Amanda Gabucan ug Henrick Pestaño alang sa promosyon sa ilang debut album nga nag-ulohan og “First Things First.”
Taod-taod na nga nagbase ang duha didto sa Amerika apan dili gyud mawala sa ilang kasing-kasing ang pagmugna og mga awit.
Ang duha kay nailhan usab isip Intertwined ug gikatakdang ilusad ang ilang karong Enero 11, 2023 diha sa sa Trademark .
Ang maong album kay langkoban sa 10 ka kanta ug madungog kini sa nagkadaiyang streaming platforms karong Enero 12, 2024.
Usa sa mga unod sa maong album kay ang “Unique” ug angayan atngan ang hugyaw nga mensahe sa maong awit.
Ang pagka-mahiligon nila sa musika kay seguradong gamiton nila sa paghatag og kalingawan sa katawhan ,ingon man usab ang pagmintinar sa maayong dagan sa music industry .
Atol sa press conference nga gidumala ni Ms. Josie Pererya sa JSP Ads and Promotions, sa niaging adlaw , gibutyag nila ni Amanda ug Henrick nga seguradong maghatag og inspirasyon sa kadaghanan ang nagkalain-laing putahe sa ilang mga kanta,
Niadtong 2018, nagsugod ang pagmugna nila original songs ,ug kapila na usab ka higayon nga nahimo sila nga kabahin sa nagkadaiyang international music festivals
- Latest
