Palagot sa bashers?

Nipasumbingay ang actress-beauty queen nga si Herlene Budol  nga mopagawas og bag-ong single karong 2024.

Nipaubos na si Herlene og voice lessons ug gipasalamatan niya  ang iyang kanhi talent manager nga si Wilbert Tolentino.

Gikataho nga "Kain Tayo" ang  umaabot nga single ni Herlene.

Nahimout pag-ayo ang fans sa beauty queen sanglit ang maong termino kay nikisaw og maayo human na-link  si Herlene ngadto sa co-star niya sa Magandang Dilag nga si Rob Gomez.

Ang pulong nga "Kain Tayo" kay nahimong kabahin sa kontrobersyal nga pagbinayloay og mensahe nila ni Herlene ug Rob.

Busa nitumaw ang mga pagduda nga palagot sa bashers ni Herlene ang titulo sa bag-ong niya nga single.

Una na nga giklaro sa beauty queen nga wala sila'y relasyon ni Rob. -Sanden J. Anadia

DongYan gipahilak sa supporters

Nakahilak ang magtiayong Marian Rivera ug  Dingdong Dantes gumikan sa mainitong suporta sa mga tawo ngadto sa ilang pelikulang "Rewind".

Sa usa ka sinehan sa Pampanga , nibisita ang magtiayon ug nakita nila ang bagang dout sa katawhan nga nihangop sa ilang pelikula.

Ang  "Rewind "kay ubos sa direksyon ni Mae Cruz Alviar ug  gipaluyohan kini  sa  Star Cinema, APT Entertainment, ug Agosto Dos Media.  - Sanden J. Anadia

Mga bag-ong programa  sa ABS-CBN karong 2024

Nagpanikad na ang  ABS-CBN alang sa pag-ere sa mga bag-o nila nga programa nga mosikad karong 2024.

Human naglampuson  sa  Prime Video isip digital series , i-ere na usab  sa ABS-CBN ang teleserye version sa  "Linlang," nga gibidahan nila ni  Kim Chiu, Paulo Avelino, ug JM De Guzman, ug makita pud ang mga eksena  nga wala nakalugwa kaniadto sa Prime Video.

Magpadayon gihapon ang KimPau fever gumikan kay subling mag-uban ang duha sa  Philippine adaptation sa Korean hit series nga “What’s Wrong With Secretary Kim,” nga i-produce sa ABS-CBN ug Viu.

Samtang balik- teleserye usab si Anne Curtis gumikan kay mao kini ang bida sa  Philippine remake sa laing K- drama nga   "It’s Okay Not To Be Okay” kauban sila si Carlo Aquino ug Joshua Garcia.

Duna pu'y major comeback ang Queen of Primetime Judy Ann Santos-Agoncillo gumikan kay siya ang makauban nila ni Arjo Atayde ug  John Arcilla  sa  “The Bagman” nga gipaluyohan sa  ABS-CBN International Productions, Dreamscape Entertainment, Nathan Studios,ug Rein Entertainment.

Bida usab ang  Kapamilya heartthrob nga si Piolo Pascual sa drama-action series nga “Pamilya Sagrado,” kauban ang  rising young stars nga sila si Kyle Echarri ug Grae Fernandez.

Mobalik karong 2024 ang  reality series nga “Pinoy Big Brother” ug  “The Voice” alang sa  bag-ong season niini.  Ang hosts sa  “PBB” kay  naglangkob nila ni Bianca Gonzales, Enchong Dee, Robi Domingo, Melai Cantiveros, ug Kim Chiu. -SJA

Hagbay  ra nagbuwag?

Niulbo ang hungihong  taod-taod na nga nagbuwag sila si Jericho Rosales ug Kim Jones. Suma pa nga gipabilin gihapon sa duha ang ilang  panaghigalaay busa kanunay  sila nga nasigpatan nga nag-uban sa pipila ka mga kalihokan.

Bag-ong sakyanan

Usa ka bag-ong sakyanan, ang regalo ni Vice Ganda ngadto sa iyang inahan nga si Rosario Viceral.Puwerting lipaya sa inahan sa komedyante sa sopresa sa iyang anak.

"Kailangan daw kasi ng pangsimba niya. Gusto niya mababa lang dahil nahihirapan siyang sumakay. Ayan, saktong-sakto, nakahanap na tayo ng mababang sasakyan," ni Vice pa.

Misuporta sa pelikula

Mapasalamaton kaayo ang Megastar nga si  Sharon Cuneta sa mag-inahan ug anak nga sila si Zsazsa Padilla ug Karylle gumikan sa dakong suporta niini sa iyang pelikula nga  “Family of Two (A Mother and Son’s Story)” nga nalakip sa  2023 Metro Manila Film Festival.  Sa niaging adlaw, nipasiugda og block screening sa maong pelikula  sila si Zsazsa ug Karylle.-Sanden J. Anadia

Komportable sa intimate scenes

Komportable ra sila si  Jennylyn Mercado  ug  Xian Lim sa dihang gibuhat nila ang intimate scenes sa teleserye nila nga  “Love. Die. Repeat.”

“‘Yung chemistry, parang ‘di naman kami nag-effort, ‘yung sobrang effort. Kasi na-appreciate ko din si Xian sa ganu’n, kasi nag-e-exert siya ng extra para makipagkuwentuhan. ‘Yung mga ganu’ng simpleng bagay, kasi ako nahihiya,” saysay pa ni  Jennylyn ngadto sa  GMA News.

Mao kini ang comeback project ni Jennylyn human kini  nipahuway sa showbiz sulod sa taas nga panahon gumikan sa paghatag og oras sa pag-atiman sa anak nila ni Dennis Trillo.