Lorna, mas in love na sa sarili
![Lorna, mas in love na sa sarili](https://media.philstar.com/photos/2023/12/24/lt_2023-12-24_17-13-45.jpg)
In love ka ba ngayon?
Tanong namin kay Lorna Tolentino nang maka-lunch namin recently.
Sagot ng actress na busy ngayon bilang juror sa Metro Manila Film Festival (MMFF). “Hindi. In love ako sa sarili ko.”
Talaga? “Oo sa ngayon.”
May bago ka bang manliligaw?
“Marami sila.”
Meron ka bang napupusuan?
“Kailangan kasi ‘di ba maraming checklist sa edad natin o edad ko lang? Kailangan iche-checklist mo kung ano talaga ‘yung tama.” Nag-62 years old siya noong isang araw.
Ilan sa nanliligaw sa’yo ang pogi?
“Lahat. Totoo nga lahat. May kanya-kanya silang katangian.”
Anong ages?
“50s above, mid 40s, 60s.”
So anong mas gusto mo? Mas bagets o mas older?
“Alam ninyo huwag na kaya. Hindi ko nga gustong pag-usapan ‘yung personal na buhay ko tapos pag-uusapan. No, my private life should be private,” pabiro niyang sagot sa mga tanong naming mga ka-lunch niya na sina Nay Lolit Solis, Gorgy Rula, Pat-P Daza and Tet de Joya.
Sa ngayon daw ay ninanamnam niya ang nararamdaman niyang kaligayahan.
Pero happy ka ngayon na single?
“Yeah, oo. Masarap ang single, walang nagbabawal
Bakit ka kukuha ng sakit sa ulo ‘no.
Mas importante ang self-care, self-love that certain age talaga dapat ‘yun ang mangibabaw. Kapag kumuha ng boyfriend marami nang bawal,” sagot pa ni Ms. LT.
Sandali lang siya sa nasabing lunch dahil may Christmas lunch pa rin siya sa mga kasama sa FPJ’s Batang Quiapo.
Ang lakas ng dating ngayon ng loveteam nina LT at Sen. Lito Lapid. At may kissing scenes pa sila.
“S’yempre nung araw pinapangarap ko siyang maging leading lady, ‘di nangyari ‘yun. Eh ngayon mga senior citizen kami, dun ko siya naging leading lady. Syempre ayun, s’yempre asawa ni Daboy (Rudy Fernandez) nung araw, sikat siya sa drama, hindi kami magkatagpo dahil dramatic actress siya,” na parang may kilig kay Sen. Lito.
Parang version senior version sila nina Coco Martin at Ivana Alawi. “Oo parang ganun. ‘Yun naman ang sinasabi ni Coco. Sabi ko ‘baka wala na kami rito, baka ma-bash-bash kami diyan.’ sabi niya, ‘hindi.’ Kamukha ng kay Angel Aquino, dun sa Probinsyano, may kiliti din yon. Kaya pinartner niya ako ulit sa... saka single naman si Lorna, ‘di ba.”
- Latest