Pambato sa Pilipinas sa Man Hot Star International 2023 nakadaog

CEBU, Philippines — Ang pambato sa Pilipinas nga si RJ de Vera maoy nakalangkat sa titulo nga Man Hot Star International 2023 niadtong Sabado sa gabii. Matawag kini nga Back-to-back nga kadaogan sanglit ang representante sa Pilipinas sa maong indigay sa niaging tuig nga si Jovy Bequillo maoy nipasa sa korona ngadto kang RJ. Gipahigayon ang grand coronation night didto sa Thailand.

Ang representante sa USA nga si Kriztian Karlo Delos Santos maoy 1st Runner-up. Samtang 2nd Runner-up usab ang kandidato gikan sa Korea nga si Jo Seong Hyeon, 3rd Runner-up ang kandidato  sa Canada nga si Noah Joel Chandler, ug 4th Runner-up ang pambato sa Thailand nga si Oat Naranwach Piakhammueng.