Maricel ug Roderick dunay reunion movie

CEBU, Philippines — Human sa 11 ka tuig , subling mag-uban sa usa ka proyekto sila si Maricel Soriano ug Roderick Paulate pinaagi sa pelikulang In His Mother's Eyes. Ubos kini sa direksyon ni FM Reyes ug malakip usab niini si LA Santos.

“I won’t deny the fact na iba pa rin ang excitement ko na makasama ko ulit si Marya. Nagkikita kami sa mga parties, nagkikita kami sa mga production, but then di pa kami ulit nagkakasama at iba na ngayon. Iba yung edad namin noon," matud pa ni Roderick.

Wala gyud nagduha-duha si Roderick sa pagdawat sa maong proyekto ilabi na pagkasayod niya nga makauban niya ang iyang soud nga higala ug dugangan pa gyud sa nindot nga istorya niini.

Gipaambit ni  Kaila Estrada sa social media ang hulagway niya nga gikan sa usa ka  photoshoot. (IG; kailaestrada)

* * *

Gipistahan karon sa fans ni Jillian Ward ang gi-post nga  hulagway niini sa Facebook  nga dunay caption nga  "flawless " . (FB: Jillian Ward)

Danielle aktibo sa pag-arte

Gibutyag sa Cebuana singer nga si Danielle "Dani" Ozaraga  nga gawas sa pagkanta , aktibo usab siya karon sa pag-arte  Duna siyay umaabot nga acting project pinaagi sa usa ka episode sa Kapuso program nga Magpakailanman.

"Dili hinoun ako  ang bida niana , pero maka-happy kaayo  kay nahatagan napud ko og laing acting project sa GMA," suma pa ni  Danielle atol sa presscon nga gipahigayon dinhi sa Dakbayan sa Sugbo sa niaging adlaw. Kahinumdoman nga nakalugwa napud si Danielle sa ubay-ubay na ka mga teleserye sa GMA-7 kaniadto.

Produkto si Danielle sa Sinulog Idol  ug nakasalmot napud siya kaniadto sa The Clash Season 1 ug kasamtangan siya nga miyembro sa  Kapuso girl group nga  XOXO.

Gihatag gyud ang tanan

 Gitataw ni Michelle Dee nga gihatag gyud niya ang tanan  nga kutob sa iyang mahimo atol sa 72nd Miss Universe pageant didto sa  El Salvador niadtong Domingo.

"Binigay ko talaga lahat. It felt amazing. I love putting on a show, but most especially, I love just making all my countrymen so proud," saysay pa ni Michelle sa   interview niini kang Dyan Castillejo sa  ABS-CBN News.

Dakong garbo alang kaniya nga makatungtong sa sa Top 10.

"Ultimately, I left it to destiny. Of course, it is not the result that we wanted, but I know as long as all of you are proud, as long as all of you saw the hard work and dedication that was made not just for myself but the whole team behind me as well, that's enough for me. I hope you are all happy," niya pa .

Nasaksikhan gyud niya ang init nga suporta sa mga Pinoy didto sa El Salvador .

"When I announced my name, I saw all the Philippine flags in the audience. It is so heartwarming to see all of the Filipinos come together to support the country that we love. It is all about bayanihan, and we really showed the universe what we have to offer," saysay pa sa beauty queen .

Pagtabang sa komunidad ipatigbabaw sa Mister Visayas 2024

Human sa pipila ka semana  nga mga screening, nahulma na gyud ang listahan sa  20  ka official candidates alang sa  Mister Visayas 2024  .

Nagmalampuson ang gihimong press presentation alang sa candidates sa niaging adlaw nga gipahigayon sa Iconique Mall

Ang official candidates kay gilangkoban nila ni Patrick Page, JM Jagdon, Aljun Abanto Jaluag, Mohammad Ameen Mortazavi, Marky Morales, Jan Cardines, John Michael Besande , Brian Dueñas, Edriane Tan,  Vincent Bituin Galia, Mark Leeniel Cañezo,Mamerto Lemente, Ace Arquiles Togonon III, Clark Cliff Pedrera, Ellijah Lance Ouano, Richard Mercado, James Howard Saldia, Aniano F. Tampos III,Kim Cenia ug Reyden Manayon.

Naumol ang   Mister Visayas 2024 inubanan sa  direksyon sa pagtabang sa komunidad pinaagi sa pagahimoon nga outreach programs.

Suma pa sa nagdumala sa maong indigay  nga si Dr. Adam Alviar nga kabahin  ang Mister Visayas sa labing bag-ong proyekto sa gipanag-iya niya nga Philippine Dental Assisting Training School Inc.

Sa nangaging interview kang Alviar , gisaysay niya nga nag-ugat ang pagmugna og Mister Visayas  gumikan  kay human sa pagsige niya og sponsor og ubay-ubay ka mga indigay kaniadto, panahon napud nga  makabaton siya og  kaugalingong pageant .

Dugang pa niya nga karong Pebrero 2024 pagahimoon ang coronation night , ug nakalinya napud ang ilang pre-activities.

Ang mahimong mananaog kay motigi pud og dugang indigay sa national ug international level.Ang  official candidates  kay mag-agi og daghang workshops aron mabaid og samot ang ilang abilidad.