Career ni young actress, nanganganib madiskaril dahil sa partner!

MANILA, Philippines — Nanganganib ang magandang career ng isang female young star dahil sumablay sa ratings ang nakaraan niyang show.

Ipinagpipilitan kasi ang pakikipagpareha ni female young star sa isang hamonadong aktor na isang beses lang nagkaroon ng hit series, huh! Hindi kinagat ang pagsasama nilang muli.

Eh may movie pa silang dalawa na kinunan pa sa ibang bansa. Hindi ito pinalad mapabilang sa isang festival kaya nasa balag pa ng alanganin kung kakagatin ito ng publiko.

Hayaan na lang kasing magsolo si female young star na kinakagat naman ng tao ang kada project kahit sino ang kapareha, huh!

Baka madiskaril pa ang carer niya kung kani-kanino lang ipapapareha para makatulong!

OG Sang’gre, malabong mabuo ulit

All for the love of Karylle kaya nagsasama-samang muli ang Encantadia stars na sina Iza Calzado, Sunshine Dizon at Diana Zubiri sa Magpasikat segment ng It’s Showtime.

Maraming natuwa sa reunion nila lalo na’t magiging relevant na naman ang Encantadia dahil sa bagong GMA series na Sang’gre.

Kahit nagkaroon ng mini reunion, malabo na sigurong mapagsama-sama silang muli sa Sang’gre, huh!