Mga dagkong kalihokan sa Hiyas ng Pilipinas 2023

CEBU, Philippines — Pormal na nga gihimo ang opisyal nga  sashing ug welcome dinner nga gidalit sa Kagamhanan sa Siyudad sa Sugbo pinaagi sa   Cebu City Tourism Commission alang sa mga kandidata sa Hiyas Ng Pilipinas 2023 sa niaging gabii didto sa Fili Hotel -NUSTAR Cebu.

Tipik lang kini sa nakalinya nga mga kalihokan sa maong indigay. Gipaneguro sa chairman sa Hiyas ng Pilipinas nga si Mike Sordilla nga  mahimong hugyaw ang pagpahigayon sa maong indigay kun diin puros gyud dalaygon ug makiangayon ang napili nila nga mga opisyal nga kandidata. Karong gabii usa pagahimoon ang Swimwear and Resort Wear competition sa Golden Sands Destination Resort sa Daanbantayan.

Ang  Evening Gown and National Costume Competition kay mahitabo sa  Toledo City Sports Center Megadome karong  Nobyembre 8, samtang ang Grand Coronation Night kay mahitabo sa Waterfront Cebu City Hotel & Casino karong  Nobyembre  11.Ang pagbida sa mga katungod  sa kababaenhan ingon man usab sa pag-promote sa turismo sa nasud ang pipila lang sa mga  target sa maong prestihiyosong indigay.