Anji midawat ra sa mga pagsaway

Nakaabot na kang Anji Salvacion ang giingong negatibong  reaksyon sa viewers kalabot sa iyang pag-arte sa  teleseryeng Linlang.

Dunay mga komento nga dili makasabay si Anji sa maayo nga performance nila ni Kim Chiu,  Paolo Avelino, JM de Guzman, ug Maricel Soriano.

Hinoun wala ra kaayo malain si Anji niini, ug iyang tun-an kun unsa pa ang angayan niya nga i-improve sa iyang pag-arte

“Feeling Blessed Ngayong Pasko”

Gipangulohan sa  Kapuso birit kings ug  queens ang pag-awit sa  GMA Network Christmas Station ID! kun diin ang lyric video niini kay gipakita na sa niaging gabii.

Ang maong awit kay nag-ulohan og  “Feeling Blessed Ngayong Pasko.”

Gipatigbabaw sa awit ang mensahe sa paglaom, paghigugma ug sa mga grasya nga nadawat sa katawhan.

Pipila sa naghatag og kinabuhi niini mao sila si  Julie Anne San Jose, Christian Bautista, Mark Bautista, Rita Daniela, Hannah Precillas, Garrett Bolden, Jeremiah Tiangco, Anthony Rosaldo, Thea Astley, Jessica Villarubin, John Rex, XOXO, Zephanie, ug  Princess Aliyah .

Naka-upload ang  lyric video niini sa   YouTube, Facebook, ug TikTok accounts sa GMA Network

Pasko 'feels' sa  ‘Asap Natin ‘To’

Mosikad na karong adlawa ang  Christmas countdown  sa "ASAP Natin 'To" sa Kapamilya Channel, A2Z, ug  TV5.

Masaksihan ang  Christmas carols kauban ang all-star lineup  nila ni Gary Valenciano, Martin Nievera, Ogie Alcasid, Zsazsa Padilla, Regine Velasquez, Erik Santos, Jona, Jason Dy, Elha Nympha , Fana, Sheena Belarmino, Jeremy Galingo, Darren Espanto, Belle Mariano, Kyle Echarri, AC Bonifacio, Gab Valenciano, Alexa Ilacad, Charlie Dizon, Anji Salvacion, Jameson Blake, Joao Constantino, Karina Santos, Krystal Brimner, Jin Macapagal,  Janine Gutierrez ug Robi Domingo.

Dili usab magpaulahi sa kinantahay sila si  Jed Madela, Bituin Escalante, Sheryn Regis, Frenchie Dy, Lara Maigue, JM Yosures, Khimo Gumatay, Elha, Sheena, Lyka, Jona, ug Katrina Velarde.

Mopainit pud sa  dance floor sila si  Jackie Gonzaga, Gela Atayde, Belle, AC Bonifacio ug Kim Chiu, kauban ang D-Grind ug Legit Status. Maki-party usab ang  Star for All Seasons nga si Vilma Santos ug ang iyang  leading man nga si Christopher de Leon.

Linlang gipaneguro  ni Paulo

Sa dihang gidawat ni Paulo Avelino ang role isip bana ni Kim Chiu sa  Dreamscape series nga Linlang, gipaneguro gyud niya ang saktong pagpangandam niini.

Gani duna'y ubang mga proyekto nga iyang gipadaplin aron makahatag og dakong atensyon sa Linlang.

“Actually, parang siguro isang sacrifice na kinailangan isakripisyo yung pagtanggap ng ibang proyekto dahil hindi angkop dun sa look ko. And nagtataka yung ibang tao parang nagpabaya daw ako. Pero it was all to prepare for Linlang. Kumbaga yung dedication ko na binigay sa proyektong ito, binigay ko talaga. Hindi ako tumanggap ng ibang proyekto para matutukan ko ito. At the same time, ang dami ko ring disiplina na ininstill sa sarili ko para ma-achieve yung sa tingin ko makakatulong sa show in some way in terms of believability,” suma pa sa aktor. 

Magpasikat 2023

Ipadayon karong semanaha  sa  It's Showtime ang Magpasikat 2023.  Ang hosts sa maong show  kay nagporma na og  lima ka grupo. Ang Magpasikat kay usa ka  week-long anniversary special sa maong  noontime variety program kun diin magtigi ang hosts sa  ilang mga tinagoan nga talento.

Golden gi-release na

Gi-release na ang solo album sa BTS member nga si  Jungkook. Nag-ulohan kini og Golden. Samtang  the music video for the lead track “. Gipalugwa na pud ang music video sa awit niini nga "Standing Next To You” .“It conveys a message that I will always be on your side no matter what. My performance is awesome and I poured a lot of effort into preparing for it," matud pa sa  singer.

Loyal sa ABS-CBN

Tungod sa nagsagunson niya nga mga proyekto sa ABS-CBN,  magpabilin nga loyal si Kyle Echarri sa iyang mother network. Bag-ohay lang nga ni-renew ang aktor sa iyang kontrata sa ABS-CBN.Nakig-uban kang  Kyle  sa contract signing sila si ABS-CBN chairman Mark L. Lopez, ABS-CBN president and CEO Carlo L. Katigbak, COO of Broadcast Cory V. Vidanes, ABS-CBN head of TV Production and Star Magic head Laurenti M. Dyogi, ug uban pa. -Sanden J. Anadia

Ben&Ben miduaw sa  haya sa ilang fan

Niduaw ang mga miyembro sa bandang  Ben&Ben sa haya  sa nipanaw nila nga avid fan nga si  Monique Gabriel Gadong, usa ka maestra  nga namatay tungod sa  brain cancer. Ang mga miyembro sa banda nga nitikang sa haya mao ang mga bokalista nga sila si Paolo Benjamin ug Miguel Benjamin Guico, kauban ang  keyboardist nga si Pat Lasaten ug ang bassist nga si Agnes Reoma.

Nakadawat og mga pagdayeg  ang Ben&Ben gumikan kay gipamatud-an gyud niini ang paghatag nila og importansya sa ilang fan.