Derrick segurado na kang Elle

CEBU, Philippines — Gibutyag  ni Derrick Monasterio nga si Elle Villanueva na gyud ang babaye nga ikauban  niya sa iyang  tibouk kinabuhi .

Sa interview sa aktor sa PEP,  gitataw niya nga lahi ra gyud   moatiman o mopangga  si Elle

"Sobrang concerned siya sa growth ko. Halimbawa, magulo ang kotse ko, sasabihin niyang, 'Ayusin naman natin 'yan. For our mental health 'yan. 'Pag maayos ang mga gamit sa paligid mo, maayos din ang utak mo,'" ni Derrick pa.

Nag-uban sila si  Derrick ug Elle sa niaging  Kapuso drama series nga "Return to Paradise."

Magpares og balik

Subling magpares sa usa ka proyekto sila si   Karina Bautista ug Aljon Mendoza.  Sila ang mahimong bida sa  "Hex Boyfriend" ,   ang latest  YouTube  offering sa  ABS-CBN alang sa  Halloween season. "After last projects namin, I feel na mas equipped kami at mas mayroon kaming tools para mapaganda ung series. Kabisado na namin yung isa't isa,'' suma pa ni Aljon sa interview nini sa ABS-CBN News.

Alang sa anak

Malipayong gisaulog sa kanhi mag-uyab nga sila si  Janella Salvador ug  Markus Paterson ang birthday sa   ilang anak nga si  Jude Trevor sa niaging adlaw. Una na nga gitataw sa duha nga  maayo  gyud ang ilang pagtinagdanay  alang sa kaayohan sa ilang anak. "I blinked and suddenly I’m the mom of a 3 year old — this delightful, charming, goofy, intelligent, curious and talkative sunshine of a human being. I could go on and on with the adjectives… but hopefully we have an entire lifetime to show you that I’ll always be your #1 fan. Happy birthday, son," suma pa sa Instagram post ni Janella.

Emosyonal

Wala kapugong si  Jose Mari Chan sa iyang emosyon  samtang nag-peform sa usa ka mall sa niaging adlaw.  Nakahilak ang singer samtang nagkanta og   “Christmas in Our Hearts”  kun diin gisabayan siya sa mga tawo.   Nasayran  nga sikat kaayo si Jose kun maghisgot na gani og mga Paskohanong awit.

Jeric ug Rabiya magtagad gihapon

Giklaro sa  Kapuso actor nga si Jeric Gonzales nga walay third party  sa breakup nila ni  Rabiya Mateo kaniadto,

Matud pa niya nga dunay mga panahon nga nag-away sila gumikan sa wala pagsinabtanay  ug duna pud sila’y tagsa-tagsa  ka mga prayoridad. Matud pa ni Jeric  nga magtagad gihapon sila  sa beauty queen kun magkakita sila niini. sanglit wala sila’y pagdumot sa usag-usa. 

Claudine nakulbaan sa bag-ong proyekto

Giangkon ni Claudine Barretto nga  gikulbaan siya sa iyang  upcoming series  sa  GMA nga  “Lovers/Liars.”

Una na nga gibalita dinhi sa Banat News Hugyaw sa niaging adlaw    kalabot  sa pagbalik-telebisyon sa aktres.

 “I’ve been throwing up because of ‘yung nerbyos ko talaga na, you know, sasalang ulit ako sa teleserye, kung ano talaga ang forte ko. Pero, sabi nga nila, kapag ka hindi ka ninerbyos, dun ka nenerbyosin,” saysay pa ni Claudine sa report sa 24 Oras. Makauban niya sa maong proyekto sila si  Rob Gomez, Lianne Valentin, Shaira Diaz, Yaser Marta, Polo Ravales, Christian Vasquez, ug Sarah Edwards.

Pagadalhon ni Claudine ang usa ka  babaye nga nagmalampuson  sa  corporate world  ug nahigugma sa mas bata pa niya.

“Well, that really happens in real life, lalo na ngayon, it’s more accepted na by everybody and there’s nothing wrong,” ni Claudine pa.

Miguel ug Jillian  nagmadaogon  sa Halloween Party

Nagmalampuson ang 2023 Sparkle Spell Halloween Party kun diin nagtapok ang Kapuso  stars. 

Gihimo kini  niadtong Dominggo sa gabii didto sa  The Palace sa Bonifacio Global City, Taguig. Pipila sa mga nanambong  nini  kay naninoud gyud sa ilang nga costume .

Si Miguel Tanfelix , nga dunay attire nga pang- Alice in Wonderland, ,samtang si  Jillian Ward kinsa  nagsul-ob og  dark angel costume maoy nakadaog   sa maong party gumikan sa kanindot sa ilang  gisul-ob.

“Linlang” mi-click dayon

Gisugat dayon og makabungog nga mga positibong reaksyon gikan sa televiewers ang  bag-ong Kapamilya series nga Linlang nga gibidahan nila ni Kim Chiu, JM de Guzman ug Paulo Avelino.

Trending ang nagkadaiyang linya  sa mga bida sa maong teleserye, sama nalang sa linya  nga gibuhian sa karakter ni Maricel Soriano isip Amelia  alang kang Juliana Lualhati (Kim) nga nagkanayon ,”  “Kakausapin kita o kakausapin ka ng palad ko?.”

Mapasalamaton ang maong mga artista sa init nga suporta nga ilang nadawat.