Alden-Julia movie gibahaan og mga pagdayeg

Namintinar sa  award-winning movie director  nga si Irene Villamor ang iyang imahe  nga maayo mohupot  og makamaoy nga pelikula.

Sa nagkadaiyang social networking sites, naputos sa mga pagdayeg ang pelikulang

"Five Break Ups and a Romance" nga kasamtangang gisalida sa mga sinehan.

Kasagaran sa nadawat nga reaksyon niini kay matud pa dili basta-basta ang pag-arte sa mga bida sa pelikula nga sila si Julia Montes ug Alden Richards.

Suma pa nga nahatagan gyud og hustisya sa mga bida ang bug-at nila nga karakter.

Una na nga ni-click kaniadto ang ilang "emotional trailer" nga nagpakita sa ilang mga karakter isip  Lance ug Justine.

Nagtuyok ang istorya niini sa managhigugmaay nga nakabaton og komplikasyon sa pagbalanse sa ilang oras tali sa gugma ug career.

Pipila sa pelikula ni Direk Irene kaniadto kay "Sid and Aya", "Ulan", "On Vodka, Beers, and Regrets", ug  "Meet Me in St. Gallen". -Sanden Anadia

Coco  miduaw sa BuCor

Ni-courtesy visit sa niaging adlaw ang mga bitoon sa FPJ’s Batang Quiapo  ug pipila ka ABS-CBN Executives sa buhatan  sa  Bureau of Corrections (BuCor). Sa social media post sa maong ahensya, makita ang pagduaw nila ni  Coco Martin, Mark Lapid, ug ang  legal representatives sa ABS-CBN. Sa post sa BuCor , gihulagway nila ang maong  teleserye nga dunay story line nga nikulit og interest sa viewers.-SJA

Nagpa-relax sa HK

Samtang naka-suspenso  ang noontime show nga “It’s Showtime”, gipahimuslan sa mga hosts niini ang bakante nila nga oras pinaagi sa pagsuroy-suroy sa Hong Kong.

Pipila sa mga nitikang sa maong dapit mao sila si Anne Curtis, Vice Ganda, Ryan Bang, Teddy Corpuz, Jackie Gonzaga, Karylle ug uban pa.

"Bonding with my showtime fam in HK!, "suma pa ni ni Anne.-SJA

DongYan bida sa "Rewind"

Adunay upcoming movie ang magtiayong Marian Rivera ug Dingdong Dantes nga nag-ulohan og "Rewind".

Ang dagan sa istorya niini kay mahitungod sa paghatag og ikaduhang tsansa  sa mga tawong nakasala. Si  Mae Cruz-Alviar ang direktor sa maong movie project. -SJA

Sunshine wala mopadayon sa TV project

Niulbo karon ang chika nga matud pa  niatras si  Sunshine Cruz sa  Regal series sa GMA-7 nga  Lovers/ Liars  busa gihulipan siya ni Claudine Barretto. Kahinumdoman nga nakaapil pa kaniadto  si Sunshine sa storycon sa maong proyekto.

Gikatahong nagsagunson ang mga proyekto sa aktres sukad niadtong 2013 busa gusto napud niya nga mogahin og dakong oras sa iyang mga minahal sa kinabuhi.-Sanden J. Anadia

Gipangandoy nga pelikula

Klase nga pelikula nga dugay na niya nga gipangandoy. Mao kini ang paghulagway ni Enchong Dee sa latest movie niya nga Gomburza. "If they ask me what's your dream role, I would always say either historical or biopic. Then I got both in this film. So I am very happy, I am very blessed with this film," nagkanayon ang aktor sa  interview niini sa  ANC.

Nagminyo na si Lauren

Nagpakasal na  ang igsoun ni James Reid nga si Lauren Reid ngadto sa  high school sweet heart niini nga si Harry Marquis didto sa New York.  “The best day of my life and the happiest I’ve ever been,” ni Lauren pa.

Sir John Lloyd

Nagkatagbo  ang kanhi magka-loveteam  nga sila si  John Lloyd Cruz ug Bea Alonzo sa studio sa  ‘Fast Talk’ . Wala nila damha ang ilang panagkita busa nakaingon og ahat  si Bea og “Hello po, Sir John Lloyd". -SJA

Jaymee Joaquin mipanaw

Nipanaw  sa niaging adlaw ang kanhi Star Magic  actress/TV host/model nga  si Jaymee Joaquin kinsa naghambin sa sakit nga  breast cancer.

Gianunsyo ang iyang pagpanaw pinaagi sa    Facebook page ni Jaymee ug sa iyang best friend nga si Fides VA.  Kahinumduman nga niadtong Septiyembre 2016, na -diagnose si Jaymee nga dunay Stage 2 breast cancer.