Pagminaldita  ni Pinky epektibo

Nahatagan gyud og hustisya  ni  Pinky Amador  ang iyang role isip kontrabida sa GMA Afternoon Prime series nga Abot Kamay Na Pangarap gumikay kanunay gyud kini nilangkat  og atensyon sa viewers. Naanad na si Pinky sa pagminaldita sa nagkalain-lain niya nga mga proyekto  apan nitatak gyud ang kasamtangang niya nga  teleserye.

Mapasalamaton ang aktres sa tanang nisuporta sa Abot Kamay Na Pangarap . —SJA

Dennis nasagpaan ni Bea

Giangkon ni Bea Alonzo nga aksidenteng natinoud niya ang pagsagpa kang  Dennis Trillo sa usa nila ka eksena sa teleseryeng  "Love Before Sunrise." Sa pakighinabi niini sa  GMA Integrated News, gibutyag sa aktres nga nangayo siya og pasaylo  kang Dennis human nakusog niya ang pagsagpa niini.

"Sobrang lakas ng pagsampal ko sa kanya merong red ang mukha niya. 'Sorry talaga,' sabi niya 'OK lang at least na-release mo,'" saysay pa ni  Bea. —SJA

Paghulagway ni Jake kang Richard: Lehitimo nga action star

Gipabuhagay gyud sa  Kapamilya actor nga si  Jake Cuenca ang iyang pagbilib sa co-star niya sa "The Iron Heart" nga si Richard Gutierrez  kinsa gihulagway niya nga lehitimong  action star.

Bag-ohay lang nga nga natapos ang maong action series  ug  nakadawat kini og daghang pagdayeg gumikan sa dili basta-basta nga mga eksena niini.

“I am really gonna miss working with this guy @richardgutz . It's been an absolute pleasure working with you chard it's hard to call it work when it was so much fun what a ride it truly has been. I will never get tired of saying it chard you are a real life superhero a legitimate action star on and off screen. I'm proud of what we've done here, proud of 'The Iron Heart.' We did one hell of a job," ang  IG post ni Jake. — Sanden J. Anadia

Mga pelikula sa MMFF 2023 kompleto na !

Imbes sa naandan nga walo,  moabot ngadto sa 10 ka mga pelikula ang magtigi sa umaabot nga Metro Manila Film Festival (MMFF) 2023 gumikan kay dunay mga nagtabla atol sa screening .

Una na nga gianunsyo niadtong Hulyo  ang upat ka mga pelikula, samtang gianunsyo usab kagahapon  ang dugang unom ka mga pelikula nga naglangkob sa "When I Met You in Tokyo " (Christopher de Leon ug  Vilma Santos) , "Becky and Badette" (Eugene Domingo ug  Pokwang),  "Mallari" (Piolo Pascual ug  Janella Salvador), "Firefly" (Alessandra de Rossi, Cherry Pie Picache, ug uban pa), "Broken Hearts Trip" (Christian Bables) ug "Gomburza"( Enchong Dee, Dante Rivero, Piolo Pascual ug Cedrick Juan ).

Ang  unang gianunsyo kaniadto  nga mga pelikula mao ang "Rewind" (Dingdong Dantes ug  Marian Rivera), "A Mother and Son's Story" (Sharon Cuneta ug  Alden Richards, "(K)ampon" ( Beauty Gonzales ug  Derek Ramsay), ug  "Penduko" ( Cristine Reyes ug  Matteo Guidicelli). —Sanden J. Anadia

Elevator

Nahuman ang shooting sa tanang eksena sa pelikulang Elevator nga gibidahan nila ni Kylie Verzosa ug Paulo Avelino. Niabot og duha ka buwan ang pag-umol sa maong pelikula.  Panghinaot sa  aktres nga magmalampuson sa takilya ang ilang pelikula .

Ikaw na Kristel!

Trending ang TikTok video ni Kristel Fulgar kun diin nisayaw siya og "Chinito" kauban ang "King the Land" actor nga si Kim Jae-won. Nakalangkat na kini og minilyon ka views. "There's a Korean actor who got lost in the Philippines," post pa ni Kristel.

Nagminyo na

Kasal na ang basketball star nga si Jeron Teng sa longtime girlfriend niini nga si Jeanine Tsoi.Ang seremonya gipahigayon sa San Agustin Church sa Intramuros, Manila sa niaging adlaw.