Kusog nga kandidata

CEBU, Philippines — Gianunsyo sa Miss Universe Organization (MUO) ang kasamtangang Top 10 candidates sa Miss Universe 2023 nga base sa fan votes.

Nasulod niini ang mga kandidata sa France, Nicaragua, Albania, Philippines, Mexico, Myanmar, Puerto Rico, Chile, Thailand, ug Lebanon.

Si Michelle Dee ang pambato sa Pilipinas sa maong prestihiyosong indigay.

Giklaro hinoun sa organisasyon nga walay partikular nga pagkasunod sa gianunsyo nila nga Top 10.

Nagpadayon karon ang botasyon pinaagi sa ilang Facebook Page.

Can’t Buy Me Love naglawig sa Netflix

Kasamtangang nag-una ang Can’t Buy Me Love sa Top 10 TV Shows sa Pilipinas nga gi-ere karon sa Netflix. Timailhan kini nga epektibo ang pagpakilig nila ni Donny Pangilinan ug Belle Mariano isip Bingo ug Caroline. Ang maong serye kay ubos sa direksiyon nila ni Cathy Garcia-Sampana ug Mae Cruz-Alviar.

Ang Can’t Buy Me Love maoy ikalima nga Pinoy drama series nga nasulod sa Top 10 TV Shows sa Netflix Philippines karong tuiga. Nagsunod kini sa Call Me Tita, Pangako Sa ‘Yo (The Promise), Maria Clara at Ibarra, ug Suntok sa Buwan . 

Joshua gitabangan ni Gabbi

Mapasalamaton si  Joshua Garcia ngadto sa Kapuso actress nga si  Gabbi Garcia  gumikan kay mao kini ang naghatag  kaniya  og igong kusog aron mas matarong niya ang  emosyon ug makahilak sa eksena nila sa  “Unbreak My Heart.”

“Thank you Gabbi, thank you sa kind words. Ako with Gabbi, ang gaan lang ng pakiramdam ko with Gabbi. Gusto ko ‘yung presence niya ‘pag nasa taping kami na stressful ‘yung araw,” saysay pa ni  Joshua sa pakighinabi nini sa   news program nga   24 Oras.

Paulo nataypan ni Jane

Kiligon gyud si  Jane de Leon ngadto sa iyang  showbiz crush nga si  Paulo Avelino ug usa sa iyang gipangandoy nga makauban niya sa usa ka proyekto  ang aktor . Matud pa niya nga dili gyud malilong ang kaguwapo ni Paulo.

"Kasi given na 'yung may looks siya, kaya ko siya nagustuhan kasi napakagaling niyang artista. 'Yon 'yung reason kung bakit gusto ko rin siyang makatrabaho. Hindi lang porket crush ko siya, siyempre hinahangaan -- magaling kasi siyang artsita. ... Parang kinakain ako ng upuan. Ah, Janine (Guttierez), trabaho lang," saysay pa ni Jane sa interview niini sa Star Magic Celebrity Conversations.

“Ere “ ni JK mikisaw sa Spotify

Gikagat dayon sa music lovers ang awit ni  Juan Karlos  nga  "Ere" ug kasamtangang kini nga nahimutang sa  no. 2 sa  Global Viral Songs sa  Spotify kun diin kasunod lang niini ang  "Si No Estas" sa Spanish musician nga si  Iñigo Quintero.

Base sa  Spotify Philippines , nakabaton na ang “Ere” og  1.2 million streams.

Naa usab kini sa  no. 87 sa  Top 100 Global sa Spotify , busa si  Juan Karlos maoy labing una nga  Filipino artist nga nakasulod sa maong  chart.

Giangkon sa singer nga wala niya damha ang kalamposan nga naangkon sa maong awit.

Kahinumdoman nga nag-viral usab sa TikTok ang ‘Ere”  kun din  tipik sa linya niini kay gi-edit ngadto sa "Tatlong bilyon, ikaw lang ang aking gusto."

Usa kini sa mga unod sa album ni JK    nga  "Sad Songs and Bullshit Part 1."

Nakauyon sa Pilipinas

Kanunay gyud nga makauyon ang South Korean star nga si Lee Min-ho sa higayon motikang siya dinhi sa Pilipinas. Subling nakabisita ang aktor sa nasud sa niaging adlaw. “Whenever I arrive here in the Philippines, though it’s such a short period, I always receive a lot of energy from the Filipino fans. That’s why I miss this a lot,” suma pa ni Lee Min-ho.

Nagkadako ang negosyo

Gipalapdan sa   Kapamilya actor  nga si Gerald Anderson ang negosyo niya nga  gym. Nag-abli siya og bag-ong branch niini sa niaging adlaw. "Siyempre mahal ko trabaho ko sa showbiz but I want to build something na pumapasok hindi galing showbiz. I worked 16 years in the industry, planning more siyempre, pero maganda may ibang challenge Something to build from the ground up, its a challenge,” suma pa sa aktor .

Padayon ang alyansa

Duna pa'y dugang  nakalinya nga mga koloborasyon ang GMA ug Star Cinema  karong 2024. Nagpadayon ang mga negosasyon alang sa maong mga proyekto.