Makabotar sa Golden Globe Awards

CEBU, Philippines —  Usa sa  gihatagan og gahom sa pagbotar sa Golden Globe Awards karong tuiga mao ang Hollywood correspondent sa ABS-CBN News ug  The Filipino Channel nga si Yong Chavez ."As an entertainment journalist of more than 15 years, she blazed the trail for her community by becoming the first Filipino TV journalist to cover Hollywood’s biggest red carpet events including the Primetime Emmys, Academy Awards, and SAG Awards,"   paghulagway kang Yong nga namantala sa  website sa maong award-giving-body. 

A1 mag-concert sa Cebu

Naghinam-hinam na ang banda nga A1 alang sa ilang  konsyerto dinhi sa Sugbo nga mahitabo na ugma,  Biyernes, Oktubre 13 , 2023 sa  Waterfront Cebu City Hotel and Casino.

Atol sa ilang presscon , gibutyag sa mga miyembro sa  maong grupo nga sila si Ben Adams, Paul Marazzi, Mark Read, ug  Christian Ingebrigtsen nga kanunay gyud sila nga mapasalamaton sa ilang fans gumikan kay wala gyud nahupas ang popularidad  sa ilang mga kanta nga  sama sa Like A Rose, One Last Song, Everytime,  Celebrate Our Love,  ug uban pa.

 Ang maong konsyerto kay kabahin sa selebrasyon sa 25th anniversary   sa karera sa A1.  Kasamtangan usab nila nga gi-promote  ang  ilang bag-ong single nga “Call Me When You Land”.  Ang concert  tickets  kay mapalit  SM Ticket outlets o sa  www.smtickets.com.  Ang  mga presyo niini kay  P4,790 (VIP), P3,730 (Gold), P2,660 (Silver) , P1,600 (Bronze)  ug P850 (Balcony).