Winners sa Asian Academy Creative Awards 2023 gianunsyo na

CEBU, Philippines —  Ang “Cattleya Killer”  maoy napili nga Best Drama Series ug Best Cinematography  sa bag-ohay lang nga Asian Academy Creative Awards 2023.

Napili nga Best Actor in a Leading Role ang bida nini nga si Arjo Atayde.

Samtang ang "Dirty Linen" kay nilangkat sa mga pasidungog nga  Best Promo or Trailer ug   Best Direction (Fiction).

Wala usab nagpaulahi ang laing Kapamilya show nga  "Flower of Evil" nga napili nga  Best Adaptation of An Existing Format, samtang ang  "ASAP Natin 'To" kay nakakuha sa  Best Music or Dance Program, ug ang  "Everybody, Sing!" ni Vice Ganda maoy  Best General Entertainment Game or Quiz Program.

Ang ubang mga mananaog nga gikan sa  ABS-CBN kay  "Hero City Kids Force" (Best Children's Program)  ug “Drag You And Me”( Best Production ).

Samtang ang Kapuso programs nga nakalangkat og pasidungog mao ang Kapuso Mo, Jessica Soho alang sa  kategoryang Best Infotainment, samtang ang  The Atom Araullo Specials: Anak maoy  National Winner sa kategoryang Best Documentary. Ang report sa  Dapat Alam Mo kalabot sa  Itaewon Crowd Crush kay napili nga  Best Single News Report , ug ang programang  Tadhana kay natuboy nga National Winner alang sa  Best Anthology.

Napili pud nga  National Winner ang GMA Integrated News flagship newscast nga 24 Oras  ug mao kini ang Best News/Current Affairs Program  or Series alang sa  coverage niini sa  Typhoon Doksuri (Typhoon Egay).Nakadaog pud isip  Best Documentary Series ang Climate Change series niini nga  ”Banta ng Nagbabagong Klima."

Bulawanong mensahe ni Yassi

Wala palabya ni Yassi Pressman ang paghatag og mga bulwanong  tambag ngadto sa iyang followers pinaagi sa gi-share niya nga video, samtang naka-make up session .

Suma pa sa aktres nga duna gyu’y gitagana  nga panahon sa pagkab-ot sa suwerte sa kinabuhi.

“Sometimes, mahirap talaga kapag feeling natin hindi gumagana ‘yung mga plano natin, parang hindi tayo sine-swerte ngayon. Okay lang ‘yun, kasi may mga pintuan na magbubukas para satin,”niya pa. Dugang pa ni Yassi nga ang kapakyasan maoy  magsilbi nga leksyon aron maangkon ang kahayag o kalamposan.

“Every failure is an opportunity for us to be better. And sometimes, failure is really the best teacher,” nagkanayon ang aktres.