Paolo ug Jessica nagpakasal 

CEBU, Philippines —  Nagpakasal  na si  Paolo Paraiso ug ang iyang hinigugma nga si Jessica Sto. Domingo didto sa  Batangas sa niaging adlaw.  Nitambong usab sa maong okasyon sila si Max Eigenmann,  Phoemela Baranda,  Bubbles Paraiso , Mylene Dizon ug uban pa. "Done deal," ang  Instagram post ni Paolo.

Plastik ug bitin

Giangkon ni Lexi Gonzales nga duna’y mga plastik ug bitin  sa showbiz.  Gani dunay uban nga mangilog gyud og uyab. Apan wala ra mabalaka si Lexi niini sanglit duna siya’y dakong pagsalig sa iyang boyfriend nga si Gil Cuerva.“Marami. At sa industriya natin, hindi naman mawawala yan.Pero, ano kasi, minsan alam natin kung dapat ang battles natin. We must choose our battles,” matud pa sa aktres.

Nitikang sa Spain

Nitikang sa Spain ang Kapamilya actor  nga si Daniel Padilla alang sa  shooting sa usa ka  special endorsement.  Partikular nga lugar nga iyang giadtoan mao ang Daramezas vineyard sa Madrid. Ang Star Magic maoy nipadangat og update sa kasikas sa aktor.

Ria naninoud sa iyang bag-ong trabaho

Gi-career gyud ni Ria Atayde ang iyang pagka-film producer ug  nakaingon gyud siya nga dili lalim ang maong butang.

Nitabang si Ria sa pagdumala sa  Nathan Studios kauban ang iyang mga igsoun ,ingon man usab ang iyang inahan nga si  Sylvia Sanchez.

Nalingaw  ra aktres ang iyang trabaho sanglit nagamit gyud niya ang iyang mga nakat-onan sa nahuman niya nga kurso, ang communication arts.

"Ang nakakatuwa kasi, nagagamit ko lalo yung mga pinag-aralan ko nung college. I took up Comm Arts. So, it goes hand in hand din naman with production, so masaya,” niya pa.

Tumong sa Nathan Studios nga mas mailhan pa og samot ang  Filipino talents sa nagkalain-laing dapit sa kalibotan.