Vice ug Anne mo-guest sa Family Feud ?

CEBU, Philippines — Gikatahong gihikay karon ang posibilidad nga maka-guest ang It's Showtime hosts nga sa sila si Vice Ganda ug Anne Curtis sa Kapuso show ni Dingdong Dantes nga "Family Feud".

Giingong gihan-ay na ang schedule sa duha aron magtigi sa maong programa isip Team Vice ug Team Anne . Motungtong na season 2 ang "Family Feud" ug dako ang kalipay ni Dingdong gumikan kay nagdugay gyud sa kahanginan ang iyang programa.

Mawili kang Kath

Mawili gyud si  Dolly de Leon sa iyang co-star sa pelikulang  "A Very Good Girl" nga si Kathryn Bernardo.  Nagkasoud sila og maayo tungod sa maong proyekto.  “Many things are good and great about our film but you were the best ‘surprise!’ of them all. Thank you, Kath. Forever an honor. Forever on your side (alam mo 'yan). Love you to the moon and back,” suma pa sa IG post ni Dolly.

“May 4 Ever”

Makabaton og sitcom si Empoy Marquez sa NET25 ug makauban niya  ang aktres nga si Alessandra de Rossi kinsa   nakapares na niya kaniadto sa ubay-ubay niya  nga mga proyelto.  Ang maong sitcom kay nag-ulohan og “May 4 Ever” ug sugdan na ang taping niini  sa sunod nga mga adlaw. Malakip usab sa maong programa sila si  Michelle Vito, TJ Valderama, Anthony Ocampo, Drei Arias, Zach Francisco, ug Vangie Labalan.

Na-crush kang Donny

Giangkon sa bag-ong Net25 artist  nga si Nicky Gilbert  nga si Donny Pangilinan ang crush niya sa showbiz.  Nakauyon si Nicky sa ka-natural moarte ni Donny atubangan sa kamera.  

Ricci ug Leren spotted nga nag- holding hands

Nikisaw napud  ang taho nga nakakita na si  Ricci Rivero nga og bag-ong hinigugma human sa ilang breakup ni Andrea Brillantes pipila ka buwan na ang nilabay.

Nasigpatan si Ricci nga ka-holding hands ang beauty queen ug  Los Baños, Laguna councilor nga si Leren Bautista samtang nanuroy.

Nakit-an ang ilang ka-sweet gumikan sa mga fans nga gustong magpahulagway kanila. Tungod sa maong senaryo, nisamot ang pagduda sa mga chismosa nga tataw nga dunay babayeng gireserba si Ricci sa panahon nga uyab pa sila ni Andrea. 

Kapamilya online live naabot sa  Europe, Australia, ug  New Zealand

Gawas sa  Asya, makita na usab ang  Kapamilya Online Live sa  Europe, Australia, ug New Zealand .

Dungan na  kini nga makita sa  livestreaming sa  Pilipinas ang maong mga  lugar busa dili na maulahi ang  Kapamilya viewers sa abroad  sa latest episodes sa nagkalain-laing  ABS-CBN shows. Kahinumdoman nga gilusad usab ang  Kapamilya Online Live sa Hong Kong, Japan, Singapore, ug ubang dapit sa Asya sa unang bahin karong tuiga. 

Pipila sa gikagobtan og maayo mao ang  Kapamilya primetime shows nga “FPJ’s Batang Quiapo” ni Coco Martin, “The Iron Heart” ni Richard Gutierrez, ug  “Senior High” ni Andrea Brillantes. Lakip sa gihisgotan og maayo mao ang mga afternoon series   nga  “Pira-Pirasong Paraiso” ug “Nag-Aapoy Na Damdamin.”

Padayon usab nga naghatod og  good vibes ang “It’s Showtime” ug  “ASAP Natin ‘To” . Dili usab magpaulahi sa  news updates pinaagi sa mga programa sa  ABS-CBN News nga  “TV Patrol” ug “The World Tonight.”

Naglawig pud ang ABS-CBN Entertainment YouTube channel, ang numero uno nga YouTube channel sa media ug entertainment category sa Southeast Asia nga dunay  45 milyon nga  subscribers.

Makita gihapon sa Kapamilya Online Live ang mga  Kapamilya teleserye kanaidto nga sama sa  “Dolce Amore,” “Be My Lady,” “Los Bastardos,” ug  “Be Careful with My Heart.”

Finale sa “The Iron Heart” i-shoot sa Japan

Sa Tokyo, Japan pagahimoon ang mga eksena sa finale sa  Kapamilya  action-drama series nga “The Iron Heart”  ug gikatakdang manglarga karong Oktubre ang mga bida niini nga sila si  Richard Gutierrez ug   Jake Cuenca.

Kahinumdoman nga gihimo sa nagkalain-laing lugar ang taping sa maong teleserye , kini sama sa Cebu , Iloilo, Rome ug Tivoli sa Italy.

“We’re gearing now to shoot the finale in Japan, with just me and Richard.  Na-pressure ang production after we shot in Italy. We have to do a better finale. It’s going to be crazy. This is the biggest fight that we’re going to shoot, so far,” saysay pa ni Jake ngadto sa ABS-CBN News.

Motambong pa sila si Jake ug Richard sa ABS-CBN Ball karong Septiyembre 30, ug molarga sila sa Japan karong Oktubre 1.

 “We’re going to deliver the best ending we’re ever going to make. So that’s what Richard and I kept on doing lately. We keep on motivating and hyping each other. We’re really preparing each other to come up with an ending that people will not forget,” dugang pa ni Jake.

Nasayod  ang aktor nga dunay mga restriksyon sa taping nila sa Japan busa lapad gyud ang ilang pagpangandam niini.

 “We cannot use guns there.  “Without guns, we really have to be technical with the fight. Really mano-a-mano. But we said, it wouldn’t be ‘The Iron Heart’ without the challenges. It wouldn’t be ‘The Iron Heart’ if it’s too easy,” sa aktor pa.

International movie ni KC nakadaog

Gipasigarbo og maayo ni KC Concepcion ang labing una niya nga  international film, nga "Asian Persuasion" gumikan kay mao kini ang nakaangkon sa  Audience Choice Award sa  Soho International Film Festival.

"Out of over 100 film entries at the Soho Film Fest, 'Asian Persuasion' won the AUDIENCE CHOICE AWARD for full-length feature! Ang saya. Congratulations to our director, and three-time Tony Award winning producer Jhett Tolentino - and big love to the entire production!,"  tipik sa Instagram post ni  KC .

Nag-post dayon si KC sa iyang mga hulagway ug video   kun diin makita nga nirampa siya sa  red carpet atol sa  awarding ceremony. 

Thai actress,bag-ong higala ni Jane

Puwerting lipaya ni Jane de Leon gumikan kay nahimamat niya sa personal ang  Thai actress nga si Rebecca Patricia Armstrong atol sa iyang pagbakasyon sa  Bangkok, Thailand. Giila na niya isip bag-ong higala si Rebecca kinsa nailhan sa mga programa nga Gap, Long Live Love!, ug TharnType.

“It was a great meeting and bonding with you @becccca___,”  Instagram post ni Jane .Nanghinaot  si  Jane nga magka-bonding sila og balik ni Rebecca.