BL series magbaha sa  iWantTFC

CEBU, Philippines — Mopatigbabaw  ang “Korean fever” sa iWantTFC gumikan kay makita sa  Pilipinas  nga  libre ang tulo ka  boys’ love (BL) series nga “Semantic Error,” “Our Dating Sim,” ug “Love Mate.” 

Makita  ang Filipino-dubbed version sa  campus-youth romance nga “Semantic Error” sugod karong Septiyembre 27 (Miyerkules). Langkoban kini og walo ka  episodes, ug dunay  bag-ong ipagawas nga episode matag Miyerkules.

Samtang nagkadoul napud ang paglugwa sa  BL series nga   “Our Dating Sim” (Lee Jong-hyuk ug Lee Seung-gyu) ug “Love Mate” (Cho Han Gyeol ug Cho Hyun Min). 

Ang latest  sexy photo ni Beauty Gonzalez nga naka-post sa iyang social media account. (IG; beauty_gonzalez)

Oras alang sa kaugalingon

Nakahukom si Michelle Madrigal nga mopahulay una sa paggamit sa iyang  social media accounts.

Alang ra usab kini sa paghatag og oras sa iyang kaugalingon .

“I have decided to step away from these platforms indefinitely to work on myself and deepen my relationship with the Lord. Summer gave me an opportunity to look inward and reflect on myself,” nagkanayon si Michelle.

Linlang sa Prime Video

Makita ang ABS-CBN series nga "Linlang" sa  Prime Video sugod karong  Oktubre  5. An go maong serye kay gibitoonan nila ni Kim Chiu, Paulo Avelino, JM de Guzman, ug Maricel Soriano."The promise of a lifetime will be broken by lies and betrayals. Is your heart ready to face the truth?” tipik sa teaser sa maong serye.

Todo paniwang

Gituyo gyud ni Paolo Contis ang pagpaniwang gumikan kay gikinahanglan gyud kini sa iyang movie project nga  nga  Fuchsia Libre. Ang role niya sa maong pelikula kay  MMA (Mixed Martial Arts) fighter busa nagbaha gyud ang iyang fight scenes.

Managad gyud

Saksi mismo si Ynez Veneracion sa pagka-maayong tawo ni Coco Martin ug wala gyud mausab ang batasan niini . Sa dihang nagkaabot sila sa usa ka event , nakita niya kun unsa ka hinagad ang aktor. —Sanden J. Anadia

Mga reklamador gipalaw ni Gigi

Napungot si Gigi de Lana sa ubang mga tawo nga kusog mangreklamo sa peformance sa pipila ka singers.

Matud pa niya nga dunay uban nga singers nga posibleng naglain ang pamati samtang nag-perform.

"Dami niyo reklamo sa mga singers and performers.Malay niyo naman kaya matamlay performance eh may sakit yung tao.Di nalang kayo mag enjoy mga beh. And magsaya.Parang di kami nagkakasakit ah?

Ano kami? robot?","ni Gigi pa  

Marian nag-adjust sa pag-arte

Aminado ang aktres nga si Marian Rivera nga medyo nabag-ohan siya sa unang adlaw  sa taping sa comeback series niya sa GMA-7 nga “Against All Odds” kun diin  kapares niya si Gabby Concepcion.

Kahinumdoman nga taod-taod na nga nakapahuway sa pag-arte si Marian busa todo adjust gyud siya sa iyang bag-ong proyekto

Dunay mga higayon nga nakalimot ang aktres sa iyang mga angulo atubangan sa kamera.

Nalakip pud sa maong teleserye sila si Max Collins, Gabby Eigenmann, Raphael Landicho, Kiray Celis, Arnold Reyes, Tanya Gomez, Tart Carlos, Marissa Delgado, Christian Antolin, Josh Ford ug Caitlyn Stave. 

SB19 mo-perform sa Indonesia

Gikatakdang mo-perform ang Pinoy group mga  SB19  sa  Indonesia kauban ang laing performers gikan sa nagkadaiyang nasud  alang sa umaabot nga ASEAN-Korea Music Festival Round.

 Mahitabo kini karong  Oktubre  21 ngadto sa 22 sa Beach City International, Stadium, Ancol, Jakarta.

"Beyond stoked to wave our flag high at the ASEAN • Korea Music Festival 2023 ROUND in INDONESIA! Get ready for an electrifying night of music, as we proudly represent the Philippines!" ," Facebook post sa maong grupo.

Ang SB19 kay gilangkoban nila ni Ken, Justin, Josh, Pablo, ug Stell, SB19.