KMJS, nominado sa Asia Contents Awards!

MANILA, Philippines — Nominado ang Kapuso Mo, Jessica Soho (KMJS) sa 2023 Asia Contents Awards & Global OTT Awards para sa Sugat ng Pangungulila story nito sa kategoryang Best Reality and Variety.

Matatandaang ito rin ang kuwentong nag-uwi ng Gold World Medal sa 2023 New York Festivals.

Bongga ng KMJS dahil ito lamang ang Philippine nominee sa nasabing category. Kapwa nominado ng KMJS sa kategoryang ito ang mga programa mula sa Korea at Vietnam. Sa Oktubre iaanunsyo ang winners at gaganapin ito sa Busan, Korea.

Pumalo na rin sa 30 million ang followers ng programa sa Facebook.