Maayong kalidad milutaw

CEBU, Philippines — Gipasigarbo og maayo sa Kapamilya actress nga si Jane Oineza ang maayong kalidad sa teleserye niya nga "Nag-Aapoy Na Damdamin” ug nag-enjoy gyud siya og taman samtang gigama ang maong proyekto ilabi na karon nga nagkainit og samot ang mga eksena.

"Wala naman po. Siguro more than the takot I am really enjoying the work that we are doing right now. Natutuwa ako sa quality din na nailalabas namin with the help of course of our creatives, writers, directors, everyone else on JRB Creative Production. Nakikita ko rin 'yung mga comment on social media platforms, the audiences that we have that are watching, na na-e-entertain sa amin. So doon ako happy," saysay pa ni Jane ngadto sa ABS-CBN News.

Batasan na sa aktres nga dili atrasan  ang mga proyekto nga ihatag kaniya basta lang gyud masulod sa iyang kapasida.

"Ako naman kahit anong ibigay sa akin na project, kahit anong role. Ang competition ko naman ay sarili ko. So gusto ko lang patunayan lagi sa sarili ko na I can do this or hindi ko kinakahon 'yung sarili ko. I want to do a lot of genres, a lot of characters something that you've never seen before. Lagi ko ring china-challenge 'yung sarili ko,” niya pa. 

Karakter ni Ian nanamilit

Napupos na ang kapalaran sa karakter ni  Ian Veneracion isip  Menandro sa teleseryeng "The Iron Heart" .    Sila si  Richard Arellano ug  Lester Pimentel Ong ang mga direktor sa  “The Iron Heart”.Ang Star Creatives kay ni-post dayon og mensahe nga, “ Kalaban ng kasamaan, kakampi ng hustisya, maraming salamat sa matapang na pakikipaglaban, Menandro.”

Nanuroy sa Australia

Kasamtangang nibakasyon sa Australia ang aktres nga si Angelica Panginiban kauban ang iyang hinigugma  nga si Gregg Homan ug ang ilang anak nga si Amila Sabine. Lakip sa ilang gilaagan mao ang Sydney Harbour. Wala usab sila nagpaulahi sa pagtikang sa  sa  Newcastle, New South Wales.

Mibisita sa higala

Wala gyud kalimti ni Kim Chiu ang pagbisita sa iyang higala nga si Bela Padilla didto sa Switzerland.  Nasayran nga gisingit ni Kim ang pagtikang sa maong dapit  human  sa iyang performance sa "ASAP Natin 'To" in Milan . Soud kaayo nga higala ni Kim si Bela  busa dili gyud masukod ang ilang kalipay atol sa ilang panag-abot.

SB19 lisod bungkagon

Gipasalig sa usa sa mga miyembro sa SB19 nga si  Stell Ajero nga dili gyud  mabungkag ang ilang grupo bisan  pa man nga pipila kanila kay dunay solo projects.

Nasayran nga  dili na mabangbang ang kasikat sa maong grupo busa lisod gyud kini bungkagon.

“Open po sa amin na tumanggap ng solo projects basta hindi po nababangga yung schedule ng grupo.Kasi ang sabi nga po namin, ayaw naming nakakahon kami nang lima lang. And we know na each one of us, may gustong i-pursue.So, bakit namin siya pipigilan na i-pursue kung ano yung gusto niya, e, dun siya maggo-grow?,” matud pa ni Stell atol sa paglugwa niini sa sa Fast Talk With Boy Abunda .

Nisaka og samot ang popularidad karon  ni Stell  human siya nahimomg coach sa  The Voice Generations. 

Umaabot nga Primetime Queen

Mibilib gyud ang beteranong aktor nga si ER Ejercito ngadto sa mga bida sa "Maging Sino Ka Man" nga sila si Barbie Forteza ug David Licauco  gumikan  sa ka maayo moarte niini.

 Nakaingon si ER nga si Barbie na ang mosunod nga  mohupot sa titulo nga  Primetime Queen.

Kalabot usab sa performance ni David,   nakita niya nga dunay potensyal ang aktor mnga mahimong sikat nga action star.

Angel nagpakahilom

Kapin na sa usa ka tuig nga wala gyud nagparamdam si Angel Locsin ngadto sa iyang fans ug kanunay usab kini nga wala sa mga nagkadaiyang kalihokan sa showbiz.

Niulbo karon ang taho nga nag-enjoy ra si Angel sa kaminyoon nila ni Neil Arce ug gusto lang niini nga molihay sa social media.Wala  hinoun gitino sa kampo sa aktres kun kanus-a  kini moaktibo og balik sa social media.

Nailhan usab si Angel sa hilom niya nga pagtabang sa mga naapektohan sa kalamidad. 

NSYNC  members  nag-reunion

Human sa taas nga katuigan,  subling nagkaabot ang  mga miyembro kaniadto sa  90s boy band nga NSYNC atol sa 2023 MTV Video Music Awards kagahapon. Nakita nga nag-uban sa entablado sila  Justin Timberlake, JC Chasez, Joey Fatone, Lance Bass, ug  Chris Kirkpatrick kun diin sila ang nitunol sa Best Pop award  ngadto  kang Taylor Swift alang sa  “Anti-Hero.”

“I’m not doing well pivoting from this to this, like I had your dolls. You’re pop personified. So to receive this from your golden pop hands is really too much,” mensahe pa ni Taylor atol sa pagdawat niya sa award.

Nakalangkat  ang NSYNC kaniadto og  70 million records -- 30 million sa  US,  nasulod pud kasagaran sa  Top 40 ang mga awit niini.

Pipila sa mga sikat nila nga  kanta kay  "I Want You Back" , "No Strings Attached" , "Celebrity," "Bye Bye Bye," "Girlfriend" ,"It's Gonna Be Me" ug uban pa.

Isko ug Joaquin pasok sa Black Rider

Malakip  si Isko Moreno  ug ang iyang anak nga si Joaquin Domagoso sa umaabot  nga Kapuso series  nga "Black Rider!" Malipayon si Isko gumikan kay makabalik na gyud siya sa kalibotan sa pag-arte.

"Ang nakaka-excite kasi 'yung bumalik ka sa pag-arte. Alam naman ng lahat na ito talaga ang naging tulay ko para maka-angat sa buhay, and that is through GMA-7, 'That's Entertainment,' and I think Kuya Germs will be happy now again me doing a lot of things in GMA," saysay pa ni Isko sa interview niini sa 24 oras.

Matud pa niya nga maka-relate siya sa  iyang karakter isip "Tiagong Dulas” sa  maong teleserye  nga dunay  talento  sa pagtabang sa iyang  isigkatawo.

"Malapit din sa puso ko 'yung pagtulong sa mga naaapi, nahihirapan sa buhay, so in character eh, so we've been doing that for more than two decades. As I have said before, it's good to be home with GMA," ni Isko pa.