Aiko napungot  sa usa ka actor

CEBU, Philippines —  Gipikhan ni Aiko Melendez ang usa ka artista nga dunay inisyal nga JP gumikan sa pagka-hambugero niini.

Gi-post kini sa aktres niadtong Miyerkules sa gabii sa iyang Facebook account  apan nakapapas na kini karon.

“Dios Mio JP wag ka masyadong mayabang… wala ka pa napapatunayan [sa] industriya para maging mayabang! Lord turuan nyo naman itong bagets nato matutong makisama. Di porket bida ka attitude ka. Very wrong! Seminar ka muna para maging mabait ka,"   post pa sa aktres.

Nagduda ang netizens  nga posibleng duna kini kalabotan sa proyekto sa anak ni Aiko  nga si  Andre kinsa  nalakip sa original series nga Safe Skies, Archer .

Kun basehan  ang listahan sa mga bitoon sa maong series, ang nagtakdo sa inisyal nga JP mao si Jerome Ponce. 

Espesyal nga mga huni

Mopasiugda  ang Padre Pio Contemplative Community of Cebuog mini- concert karong adlawa  ,  Septiyembre 8, 2023 (alas 7 sa buntag) diha sa Pulangbato, Cebu City kun diin nahimutang  ang padayong gigama nga Santuario di Padre Pio Cebu.  Mao kini ang espesyal nila nga dalit alang sa selebrasyon sa birthday sa balaang inahan nga si Maria .

Una na nga gibutyag sa group leader sa maong international organization nga si Dr. Richard T. Saing  nga ang maong kalihokan kay gihalad nila sa Our Lady of Grace. Matud pa niya nga si  St. Padre Pio kay dunay dakong debosyon sa Balaang Inahan  busa angayan gyud kini nga sundon.

Ang  presidente sa foundation nga si Maximiano Fulache nisaysay nga espesyal kaayo sa kinabuhi sa katawhan ang mga maayong binuhatan sa St. Padre Pio nga nitabang gyud sa mga nanginahanglan ,ug ang pulong nga matinabangon  kay usa mga nag-unang pulong nga naghulagway kang Inahang Maria .

Mo-perform sa mini -concert sila si  Necie Diaz, Rosalinda Las Piñas John Wallace Tubalde, Rene Campomanes, Roy Tabasa Riel Tabasa ug Therese Lacson. Kantahon sa maong singers ang mga awit nga nagtangag sa mga bulwaanong mensahe kalabot sa ka balaan ni Inahang Maria.

Ang radio personality nga si Aljin Abaquita maoy host sa maong kalihokan,samtang ang award-winning composer nga si Neil Salarda maoy musical director.