Mini-concert alang sa Inahan sa Grasya

CEBU, Philippines — Isip pagdalit  og espesyal nga  selebrasyon sa birthday sa balaang inahan nga si Maria, ang Padre Pio Contemplative Community of Cebu kay mopasiugda og  mini- concert karon Septiyembre 8, 2023 (alas 7 sa buntag) diha sa Pulangbato, Cebu City kun diin nahimutang  ang padayong gigama nga Santuario di Padre Pio Cebu.

Suma pa sa group leader sa maong international organization nga si Dr. Richard T. Saing  nga ang maong kalihokan kay gihalad nila sa Our Lady of Grace. Matud pa niya nga si St. Padre Pio kay dunay dakong debosyon sa Balaang Inahan  busa angayan gyud kini nga sundon. Samtang ang presidente sa foundation nga si Maximiano Fulache nisaysay nga espesyal kaayo sa kinabuhi sa katawhan ang mga maayong binuhatan sa St. Padre Pio nga nitabang gyud sa mga nanginahanglan ,ug ang pulong nga matinabangon  kay usa mga nag-unang pulong nga naghulagway kang Inahang Maria. Mo-perform sa mini -concert sila si  Necie Diaz, Rosalinda Las Piñas, John Wallace Tubalde, Rene Campomanes, Roy Tabasa Riel Tabasa ug Therese Lacson.

Kantahon sa maong singers ang mga awit nga nagtangag sa mga bulwaanong mensahe kalabot sa ka balaan ni Inahang Maria.   Ang radio personality nga si Aljin Abaquita maoy host sa maong kalihokan,samtang ang award-winning composer nga si Neil Salarda maoy musical director.