Duna bay madawat ang part-time employee nga moretiro?
Dear Atty. Divine,
Ang akong bana gikatakda nang moretire this year. Dugay na siyang nagtrabaho sa iyang company but part time lang gihapon ang iyang status. Kun mo-retire ang akong bana makadawat ba siya og retirement benefit sa maong company bisan part time employee lang siya? Daghang salamat. — Gwen
Dear Gwen,
Basi sa Republic Act 7641 kun ang empliyado moabot na og 60 ngadto 65 years old nga maoy mandatory age for retirement og nakaserbisyo na siya og dili mominus lima ka tuig sa maong company then mamahimo na siyang mo-retire sa iyang trabaho ug ang kompaniya obligado nga mohatag kaniya og retirement benefits basi sa ilang retirement plan. Kun way retirement plan ang employer dapat mohatag ang employer og 1/2 month per year of service isip retirement pay sa kawani. Basi sa implementing Rules sa maong balaod kini nagkanayon nga covered niini ang tanang empliyado sa private sector regardless sa ilang status og designation lakip na ang mga part-time employees. Buot ipasabot nga ang imong bana makadawat gyud og retirement pay sa iyang gitrabahuan bisan kun siya part-time worker lang. Thank you and God bless. Atty. Divine
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest