Hukom ni Jennica final na

CEBU, Philippines — Hanap na nga magkabalik sila si Jennica Garcia ug Alwyn Uytingco gumikan kay dili na gyud sila magkasinabot.

Giangkon ni Jennica nga gihatagan niya og ikaduhang tsansa si Alwyn apan wala gyud kini mosaler.

Labing maayo matud pa nga dili na lang gyud balikon ang ilang relasyon aron mas malinawon ang ilang mga huna-huna.

Soud karon ni Jennica si Christian Bables, ang co-star niya sa natapos na nga Dirty Linen, apan giklaro sa duha nga maghigala ra gyud sila. -Sanden J. Anadia

Rob nag-sorry kang Shaila

Nangayo na og pasaylo  si Rob Gomez ngadto kang Shaila Rebortera gumikan sa iyang pangangkon kaniadto nga single pa siya.

Gibutyag usab sa aktor nga gusto na niya nga makauban og balik ang beauty queen ug ang ilang anak nga si Amelia.

“My choice everyday, in this lifetime and the next. You are not an option for me to lose. I can’t wait to have you both back in my arms. I’m sorry I said yes to being single when I’m not. I promise to keep my promises to you this time. I love you and Amelia more than anything in the world!”, kabahin sa Instagram post ni Rob.

Nag-post pud ang aktor og throwback photos nila ni Shaila kauban ang ilang anak nga tataw nga gimingaw na siya niini. Kahinumdoman nga nahimong kontrobersiya ang breakup nila ni Shaila.

Aduna'y mga post si Shaila kaniadto sa social media kun diin makita nga duna siya'y bun-og sa pipila ka bahin sa iyang lawas,ug nitumaw ang pagduda sa iyang followers nga binuhatan kini ni Rob. -Sanden J. Anadia

Anne todo pangandam na

Gipaambit ni Anne Curtis ang mga hulagway sa behind-the-scenes sa iyang bag-ohay lang nga  training alang sa  upcoming film kauban si Direk Erik Matti.

Wala pa hinoun gianunsyo ang titulo sa maong movie project. "Sir, yes sir Bootcamp done. Snappy Salute at Maraming Salamat po 201st Infantry Kabalikat Brigade. Here we go! Training season is upon us @erikmatti," tipik sa IG post ni Anne. Dali nga nitubag si Direk Erik og: "It was so much fun! I relember we were in the obstacle course…and I was just watching the whole thing play out from my chair. "Wahahaha!!! To more training days to come!"

Unang nagkauban sila si Anne ug Direk Erik sa blockbuster film nga BuyBust niadtong 2018.

Kahinumdoman nga nag-agi pud si Anne og  martial arts training kauban si  Rafael Kayanan didto sa  New York. 

Dreamscape mipahimagno batok sa scammers

Gipahimagnoan sa Dreamscape Entertainment ang publiko nga dili magpadala sa   scammers nga nangangkon nga kabahin sa ilang production unit ug nagtanyag matud pa og one-on-one online casting auditions alang sa  hit action series nga "FPJ's Batang Quiapo."

Nahisgotan usab sa advisory nga ang maong scammers kay momando sa mga nagpa-audition  nga mohimo og dili maayong butang.

Gitambagan niini ang katawhan nga labing maayo nga mo-like sa ilang social media page sanglit dinhi imantala ang ilang mga importanteng anunsyo sama sa mga audtion. -SJA

Kathryn na-pressure kang Dolly

Giangkon ni Kathryn Bernardo nga nakulbaan gyud siya og maayo sa dihang gisultihan siya nga makauban niya sa pelikulang A Very Good Girl ang banggiitang aktres nga si Dolly de Leon.

“The first time na nag-meet kami ni Ms. D, siyempre kinabahan ako kasi nung pinitch nila ito sa akin and then I picked this material, tinanong ko agad kung sino 'yung peg nila for Mother, and then they told me, ‘We will try to talk to Ms. D,'" matud pa ni Kathryn

Apan sa dihang nag-shoot na sila sa maong pelikula, nahimo na siya nga komportable sa aktres. -SJA

Sikat gyud

Nag-trending og samot ang pangalan sa  usa sa mga miyembro sa SB19 nga si Stellvester o Stell gumikan  sa iyang partisipasyon isip coach sa  The Voice Generations sa GMA-7 nga nagsugod niadtong Domingo.

Endorsement galore

Ang South Korean actor Park Seo-joon maoy bag-ong ambassador sa usa ka health ug  wellness company nga nanukad dinhi sa nasud. Bag-ohay lang nalakip ang aktor sa   Netflix hit movie nga Dream ug malakip usab kini AA superherofilm nga The Marvels.

Dili hubog

Giklaro sa kampo ni Albie Casiño nga dili hubog ang aktor sa dihang niharana kini sa mga  kandidata sa  Mutya ng Cotabato 2023 sa niaging semana. Matud pa nga kulang lang gyud sa  pahulay ang aktor niadtong higayona.

Gipalabi ang  pagtigom

Pahimuslan  nila ni Ellise Joson ug McCoy de Leon ang  ilang kasamtangang showbiz projects busa dili pa gyud nila prayoridad ang pagpakasal. Suma pa ni Ellise nga importante kaayo ang pagtigom ilabi nga duna na sila'y anak.

Kahinumdoman nga nag-ugat ang relasyon sa duha  sa dihang nagkauban sila sa Pinoy Big Brother Lucky 7 (2016-2017).