Rhen mitingog na

CEBU, Philippines — Giklaro ni Rhen Escaño nga  duna ra'y mga  tawo nga nanghilabot sa relasyon nila kaniadto ni Kokoy de Santos hinungdan nga nagkabuwag gyud sila niini.

Matud pa sa aktres  nga malipayon ra gyud siya sa kiliran ni Kokoy apan naabot sa punto nga nakaingon siya nga  panahon napud nga pilion niya ang iyang kaugalingon.

Gihimakak usab niya ang chika  nga matud pa siya ang nagbinuang sa relasyon nila kaniadto.

Ogie, Manilyn ug Michael V nag-reunion

Gisaulog sa  singer-songwriter nga si Ogie Alcasid ang iyang  56th birthday sa noontime show nga   It's Showtime kagahapon. Gisupresa niya ang  "madlang people" pinaagi sa special number  sa karaan niya nga  Kapuso friends nga sila si Manilyn Reynes ug Michael V. Kahinumdoman nga nagsagunson  ang paglugwa sa Kapuso stars sa maong programa sukad nga nakita na kini sa GTV.

Duha ka dekada

Nisikad na  ang 20th anniversary tour ni Jed Madala  ug gihimo kini didto sa  Los Angeles. Giangkon ni Jed nga wala niya  damha nga maabtan siya og 20 ka tuig sa industriya. 

Kinabuhi sa laing nasud

Nagplano ang US-based artist nga si Eduard Bañez nga mogama og awit nga maghisgot   sa iyang kinabuhi isip Pinoy nga nagtrabaho sa abroad.“Life here in the US is very lonely. Yes, I have friends here but the way Filipinos treat each other is different. Music really saves me. I always listen to Pinoy songs here just to feel the energy, vibe, and connection,” saysay pa niya ngadto sa  ABS-CBN News.

Gipahilak sa bata

Nahimong emosyonal si  Vice Ganda gumikan sa gidalit nga balak sa usa ka "Mini Ms. U" contestant sa It's Showtime.

Ang 6 anyos nga si Euri Eleandre Villena kay  nipadangat og balak kun giunsa sa It's Showtime ug sa mga host niini ang paghatag og kalipay ngadto sa viewers.

"Ang ganda ng pagkakakilala niya sa pamilyang ito, walang bahid. Ang ganda, maraming, maraming salamat sa iyo,"suma pa ni Vice.

Dili mobalhin og laing network

Hugtanong gihimakak sa TAPE Inc. ang niulbo nga taho nga matud pa ibalhin sa

laing  TV network ang  Kapuso noontime show nga “Eat Bulaga.”

“This is not true. This is absolutely false news,” suma pa sa abogado sa TAPE Inc. nga si Atty. Maggie Garduque. Kahinumdoman nga nag-ugat ang maong  espekulasyon gumikan sa hulagway  ni TAPE executive Bullet Jalosjos kun diin kauban niini  ang usa sa mga tag-iya sa ALL TV nga si Senador Mark Villar ug duna kini caption nga  "Happy Birthday Sen. Mark Villar."

Giklaro ni Atty. Garduque nga ang Camella sa mga Villar  kay  major sponsor sa segment sa  Eat Bulaga nga ‘MAY PA-KEY KAMI SAYO’ kun diin  ang mananaog kay makaangkon og 'house and lot'.

“There is no basis for the speculation that said bday greeting will be tantamount to intention to transfer to All TV,” dugang pa niya.

Ang bag-ong hosts sa  "Eat Bulaga"  kay gilangkoban nila ni  Betong, Buboy Villar, Mavy, Cassy Legaspi, Alexa Miro, ug  Isko Moreno, ug Paolo Contis.

Aljur dunay butt exposure

Sa labing unang higayon, nisugot si Aljur Abrenica  nga masuwayan ang butt exposure sa usa ka pelikula.

Mahitabo kini sa pelikula nila sa iyang girlfriend nga si AJ Raval nga "Sugapa".

Nakatabang ang tam-is nila nga relasyon aron mahimong  komportable sa maong eksena.

Ang maong pelikula kay makita sa Vivamax  sugod karong  Agosto 25, 2023.

Higala ra gyud

Mitingog na ang "Eat Bulaga" host nga si Alexa Miro kalabot sa  taod-taod na nga hungihong  nga matud duna sila'y relasyon sa presidential son ug Ilocos Norte Representative Sandro Marcos.

Suma pa ni Alexa nga soud  lang niya nga higala ang anak sa presidente

"Hindi siya nanliligaw. Kami like what I said in all of my past interviews he's one of my closest friends. We trust each other with our problems. Ganu'n din naman siya sa ibang best friends niya na girls and boys," saysay pa ni Alexa sa interview niini sa podcast nga  "Updated with Nelson Canlas".  -SJA

Marian-Gabby fans todo atang

Nagsugod na sila si Marian Rivera ug Gabby Concepcion sa  taping sa ilang upcoming series  nga 'Against All Odds'.

Gi-share ni Gabby sa iyang Instagram account ang hulagway nila ni Marian .

Nagbaha ang komento sa ilang fans ug nipadayag nga excited  na kaayo sila nga makakita sa ilang mga idolo nga magpares sa TV screen.