John Arcilla, bibinyagan sa pagiging game show host

For the first time, sasabak na sa pagiging game show host ang multi-awarded actor na si John Arcilla na  itinanghal bilang kauna-unahang Pinoy na nag-uwi ng Volpi Cup for Best Actor sa prestihiyosong 78th Venice International Film Festival noong isang taon.

Ito ay sa pinakabagong interactive game show ng TV5, ang SPINGO.

Maliban sa ingenious game show concept ng SPINGO, isa rin itong milestone sa historic career ni John.

Nakilala dahil sa kanyang exceptional onscreen performances, susubukan ngayon ng aktor ang papel bilang isang charismatic game show host na gagabay sa mga manlalaro at manonood sa nakaka-excite na skill-based challenges at trivia ng programa. “Hosting a game show like SPINGO is something utterly new for me. I’m known to be an actor who portrays all kinds of roles in theater, on TV and the movies, but this is the first time that I’ll be interac­ting live with contestants and audiences who are taking their chances to win a fortune. This is definitely a big challenge for me but, at the same time, I am excited to explore my capacities in the field of TV hosting. I am thankful for this opportunity, and I can’t wait for the whole Philippines to spin and go with SPINGO,”  kumpisal ni John.

Gamit ang tagline nitong Sa bawat spin, go for the win!, ang SPINGO ay magbibigay ng bagong spin sa pinakapaboritong laro ng mga Pinoy na Bingo, at hatid nito ang nakaaaliw na mga challenge na may kaakibat na mga papremyo.

Bukod sa exciting challenges sa bawat episode ng programa, may innovative twist din ito dahil pati ang mga manonood ay magkakaroon ng pagkakataon na manalo ng malaking papremyo.

Kailangan lamang i-download ang SPINGO app mula sa Google Play Store upang makasali at manalo habang nanonood sa ng SPINGO.

Maaari umanong manalo ng hanggang P1.5 million bilang studio player or P100K daily kung manonood kayo sa mga bahay ng interactive game show.

Kaya abangan si John sa kanyang bagong role kung saan ipakikita niya ang kanyang versatility kasama ang kanyang co-host na si Spingorgeous Girl Sam.

Mapapanood ito araw-araw sa TV5 mula Lunes hanggang Biyernes, 5:30 p.m.

Sakto ito for John dahil last two weeks na lang ang Dirty Linen.