Pasok sa ForThe Love

Nahibalik na dinhi sa Pilipinas si Lyca Gairanod human sa pipila ka adlaw nga pagtikang sa  US ug Canada  alang sa iyang paglugwa sa konsyerto  ni Arthur Nery.  Gisugat dayon si Lyca og acting project pinaagi sa usa ka episode sa  love anthology series nga  For The Love, nga gipaluyohan sa   TV5 ug  Viva Television.

Befriending my Tears

Gipahibalo ni Clara Benin nga duna siya'y bag -ong album  nga nag-ulohan og "Befriending my Tears.’  Matud pa niya nga ang maong album kay nagtangag sa istorya sa pagkat-on sa pagtoo sa kaugalingon.  “You can surround yourself with all these people who love you and believe in you, but if you don't love yourself and believe in yourself first, you're just going to keep hurting inside. We all need to learn how to befriend our tears in order to heal, niya pa.

Wally nag-sorry

Nangayo og pasaylo sa publiko  ang TV host  nga si Wally Bayola  human kini namalikas samtang naka-live ang  noontime program nga “E.A.T.” sa niaging adlaw.  Kahinumdoman nga gipatawag ang maong show sa Movie and Television Review and Classification Board (MTRCB) gumikan sa maong hitabo. Ugma Ang gikatakdang hearing ni Wally sa buhatan sa MTRCB. -Sandrn J. Anadia

KC naghinam-hinam sa Shawie-Gabby reunion

Nagpanikad na si KC Concepcion  sa “Dear Heart” concert  sa iyang ginikanan nga sila si   Sharon Cuneta  ug  Gabby Concepcion nga mahitabo karong  Oktubre.  Nagkanayon si KC nga kun unsa ka-excited ang fans  sa iyang ginikanan, mas labaw siya nga naghinam-hinam niini.

Dili na siya makahuwat pa nga makakita sa iyang ginikanan nga mag-uban sa entablado.- Sanden J. Anadia

Rebelasyon ni Claudine

Giangkon ni  Claudine Barretto nga  duna na pu'y pagkulang si Raymart Santiago ngadto sa ilang anak.

Matud pa niya nga na-okay naman unta kini sauna apan nibalik nasad ang pagka wala'y klaro sa aktor.

Nagkanayon si Claudine nga duna ra'y kontak si Raymart sa anak niini apan usahay ra  kini nagpakita. -SJA

Lloydie nakadaog  sa Switzerland

Nalangkat ni John Lloyd Cruz ang  Boccalino d'Oro prize (Golden Jug Award) alang sa pagka- best actor gumikan sa hugyaw niya nga  performance sa pelikula ni Lav Diaz nga  "Essential Truth of the Lake" sa bag-ohay lang nga 76th Locarno Film Festival didto sa Switzerland.

"It is with great joy and pride that I congratulate one of the most talented artists of our country, Mr. John Lloyd Cruz, for having won the Boccalino d'Oro prize for Best Actor at the 76th LFF in Switzerland," suma pa sa  chairman  ug CEO sa Film Development Council nga si  Tirso Cruz III. Suma pa niya nga makiangayon kaayo ang maong award alang sa aktor.

"This award is much deserved by an artist of his caliber. Lloydie, congratulations and thank you for bringing honor to our country,"dugang pa niya. -SJA

What If?

Sila si Alessandra de Rossi ug JM de Guzman  maoy mga bida sa umaabot nga Netflix Film nga  ‘What If?  nga gi-produced usab sa   Viva Films ug  A World Of Our Own.

Si Emmanuel Quindo Palo ang direktor sa maong proyekto  nga ipasalida sunod buwan.

Nalakip usab niini sila si  Angie Castrence, Soliman Cruz, Jett Pangan ug uban pa. -Sanden J. Anadia

Jennylyn nabag-ohan  sa showbiz

Karon nga nibalik na sa showbiz, gibutyag ni Jennylyn Mercado na nag-adjust siya og maayo gumikan kay nabag-ohanan siya sa pag-arte

Kahinumdoman nga duha  ka tuig nga nipahuway si Jen  sa showbiz.

Dunay higayon nga nalimtan sa aktres ang pipila ka linya sa iyang  script.

Nagkanayon si Jennylyn nga daw  susama siya og bag-ong artista.