Jake magpabilin sa ABS-CBN
CEBU, Philippines — Gipamatud-an ni Jake Ejercito ang iyang pagka-loyal sa ABS-CBN pinaagi sa pag-renew sa iyang kontrata sa maong kompanya. Dako ang iyang pasalamat sa ABS-CBN sa mga proyekto nga iyang nadawat. “It means the world to me kasi ang ibig sabihin niyan, may confidence and trust sa akin 'yung mga bosses. For me naman talaga, wala naman ibang option para sa akin, Kapamilya network lang. So I am deeply honored na na-offer-an ako ng network contract,” suma pa sa aktor.
Proud sa nominasyon
Bisan unsa pa ang mogawas nga resulta, dakong garbo alang kang Heaven Paralejo nga makadawat og nominasyon sa FAMAS. Nominado si Heaven alang sa pagka-best actress gumikan sa maayo niya nga performance sa pelikulang "Nanahimik ang Gabi." Katigi niya sa maong kategoriya sila si Janine Gutierrez (Ngayon Kaya), Nadine Lustre (Greed), Liza Lorena (Family Matters)ug Sheila Francisco (Leonor Will Never Die). "Matalo, manalo ako, okay naman ako. Sobrang happy ko to be recognized by FAMAS. And to be nominated alongside actresses na hinahangaan ko. I'm really happy," saysay pa sa aktres.
Lola Amour
Dili na gyud mabangbang ang pagsaka sa popularidad sa banda nga Lola Amour . Mi-click dayon ngadto sa music lovers ang bag-o nila nga awit nga Raining in Manila . Nakalangkat na og minilyon ka views ang lyric video niini sa YouTube. Ang Lola Amour mao usab ang nagpasikat sa awit nga "Fallen."
First time nganakaangkon og network contract
Human sa 11 ka tuig nga nakadawat og daghang proyekto sa ABS-CBN , karon pa lang gyud nakabaton og network contract si Chie Filomeno .
“The feeling is overwhelming. As in no words can describe what I am feeling right now kasi the journey that I had was really a rollercoaster ride. I wouldn’t trade it for anything else, kasi ang dami kong natutunan,” , sa aktres pa.
Matud pa sa aktres nga niresulta gyud ang iyang pagkugi ug dugay na gyud niya nga gipangandoy nga makaangkon og kontrata sa istasyon nga iyang gitrabahoan.
“Alam mo 'yung feeling na ito talaga 'yung totoong dream come true. Ninanamnam ko siya. I am here for longevity also. 'Yung gratitude din is over the ceiling,” dugang pa ni Chie. Andam na ang aktres sa laing hugna sa iyang career.
“Ang dami ko pang gustong makatrabaho, besides learning new stuff. This is a new chapter of my life and ang dami ko pang matututunan. I am 26 but I am willing to learn,” niya pa.
Lovi ug Monty engaged na
Engaged na ang Batang Quiapo star nga si Lovi Poe ngadto sa iyang British boyfriend nga si Monty Blencowe.
Gianunsyo kini ni Lovi pinaagi sa usa ka video nga gi-upload sa iyang Instagram account.
Pipila na diay ka tuig nga engaged ang duha apan karon lang sila nakahukom nga ipublikar kini. Makita sa video ang gisul-ob nga engagement ring ni Lovi samtang naa sa dagat ug nagtan-aw sa pagsaop sa adlaw.
"We’ve shared and celebrated this moment quietly with our family and closest friends, so we’re now more than happy to share this sweet #lifeupdate with you,” caption sa maong video.
Nagbaha ang congratulatory messages nga nadawat ni Lovi gikan sa iyang followers ug mga higala niya nga artista nga sama nila ni Yam Concepcion, Cherry Pie Picache, Jessy Mendiola, Ariella Arida, Angelica Panganiban, Maxene Magalona, Glaiza de Castro ug uban pa.
Annika Co mosulod na sa showbiz
Hingpit na nga mosulod sa showbiz world ang kanhi contestant sa "Mini Ms. U" sa "It's Showtime nga si Annika Co ug nipirma na kini og kontrata sa Viva Artists Agency (VAA) niadtong Martes,
"We are happy to announce that @annikaaco is now officially part of our growing roster of artists! Welcome to VAA, Annika. Looking forward to exciting projects with you," tipik sa Instagram post sa Viva. Kahinumdoman nga nikisaw og balik ang pangalan ni Annika sa dihang nakahilak si Anne Curtis sa iyang mga bulawanong pulong atol sa paglugwa niya sa It’s Showtime sa niaging buwan.
“Naiyak ako kasi it was so pure na parang if everyone could be as kind as this child, wala nang hatred sa mundo. It was so innocent and pure. So beautiful,” matud pa ni Anne.
- Latest
