Ikaw na Keanna!

Trending si Keanna Reeves karon gumikan sa iyang interview kang Morly Alinio diin iyang gibutyag nga daghan gihapong mga batan-on nga nag-apas niya aron makig "tikiman". "Alam mo naman yung lola mo, hinahanting lagi.

Mga bagets kasi, gusto nila curiousity, parang siguro na ano nila na ano, malandi ako, gusto nila ma-experience, eh ako naman ang lola mo siyempre pag gwapo hindi ko tinatanggihan yan no, " ni Keanna pa.

Ang labing bag-o matud pa mao ang talent sa Star Magic kansang ngalan nagsugod sa letrang "F".

Ang mga netizen nagtag-an tag-an. Matud pa ang gipasabot ni Keanna mao ang talent nga nalambigit og video scandal niining bag-o lang.

Dili pa final

Exploratory talks pa lang o nagsabotsabot pa unsay angayang mahitabo kun mag-showbiz na gyud si Bimby Aquino, ug wala pa gyud kini hingpit nga nipirma og management contract sa Cornerstone Entertainment. Kini suma pa ni Boy Abunda kinsa guardian ni Bimby.

Suma pa niini sa Fast Talk With Boy Abunda niadtong nilabay nga adlaw, may pagtugot ni Kris Aquino ang ilang pagsabot-sabot. Nibalik na sa Amerika si Bimby ug atua pud ang mga kadagkuan sa Cornerstone. Gisaad ni Abunda nga ibalita niya unsay mga kalabuan mahitungod sa posibling pagsulod na ni Bimby sa showbiz.

Dili tinuod

Nipirma og long term contract ubos sa TAPE Inc., sila si Paolo Contis ug Isko Moreno. Ang duruha lakip sa mga host sa bag-ong Eat Bulaga. Dungan niini, gihimakak sa TAPE ang tsika nga kutob karong buwana na lamang ang nahisgutang noontime show. Ang tinuod mao nga nangandam na sila alang sa ilang 44th anniversary karong buwana.

Gikasab-ag maayo

Gidabodabohan matud pa og kasaba ni Vice Ganda si Awra Briguela human sa nalambigitan niining kontrobersiya.

Suma sa source sa beteranang showbiz personality Cristy Fermin, gipasugat ni Vice si Awra sa production assistant ni Ion Perez aron mapyansahan. Human niini, gisermonan ni Vice si Awra gumikan sa nahitabo. Si Vice ang nibarog nga manager ni Awra.

Mayng laki si Coco

Bilib kaayo si Lorna Tolentino kang Coco Martin isip direktor. Suma pa sa award-winning actress, adunay abilidad si Coco nga mapagawas gyud sa usa ka artista ang talento niini. Kun si Coco matud pa ang direktor, maikag gyud matud pa ang artista sa pagpagawas og maayong performance. Lakip si Tolentino sa mga cast karon sa Batang Quiapo diin si Coco ang bida ug direktor.

Hipon Girl?

Pangutana karon sa mga marites kinsay gipasabot ni Wilbert Tolentino sa iyang post kagahapon mahitungod sa usa ka tawo nga adunay attitude problem.

Suma pa niya, makatagam ang motabang sa tawo nga walay batasan.

"Nakakadala tumulong sa tao na indi marunong mag value sa taong may pagmamalasakit at ang worst ay ungrateful asal pinapakita at laging pabalang sumagot. nakaka ang ugali mo," ni Tolentino pa.

Dugang pa niya, bisan pa og asa mopaingon ang iyang gipasabot sa post, kun walay batasan wala gyud matud pa kini maabot.

Dili matud pa magdugay sa industriya bisan pa og mobalhin og poder.

Napungot na matud pa siya, ug dili na niya makaya nga tabunan pa ang baho sa maong tawo.

"d ka mag tatagal sa industria sa Asal na meron ka! Kht saan ka pa lumipat at kung d ka nag bago. binitbit mo lang problema mo sa bago mong pakikisamahan. Sorry at indi ko na kaya e defend pag uugali at cover up ang tunay mong kulay. Nakakalungkot sabihin peto real talk po eto. #Atechonatothehighestlevel," dugang ni Tolentino.

Si Tolentino maoy manager ni Herlene Nicole Budol o Hipon Girl, ug ni Madam Inutz. Si Inutz ni like sa maong post ni Tolentino.

May pagduda nga si Hipon Girl ang gipasabot ni Tolentino, apan pagtuo nila, mugna ra kini sa maong talent manager aron mokisaw ang ngalan sa iyang talent kinsa usa sa mga kandidata sa Miss Grand Philippines. -- Courtesy of IG account: herlene_budol

Finally a day off

Mao kini attire ni Heart Evangelista sa iyang "day off" didto sa France.

Ang iyang bana nga si Senator Chiz Escudero maoy iyang photographer. -- Courtesy of IG account: iamhearte

Laag sa France

Atua sa Luberon Provence, France naglaag si Nadine Lustre kauban ang iyang hinigugma nga si Christophe Bariou -- Courtesy of IG account: nadine

Soft beauty

Pina Taylor Swift. Kini maoy tubag ni Ivana Alawi sa nikomento nga "soft" matud pa ang beauty niya niining maong hulagway.

Atua sa Thailand si Ivana. -- Courtesy of IG account: ivanaalawi