Next big star...

CEBU, Philippines —  Hingpit na gyud nga musulod sa showbiz si Atasha Muhlach human siya gipaila isip labing bag-ong Viva Artist Agency talent. Suma pa sa 21-anyos nga si Atasha, 10 years old pa lamang siya, naghandom na gyud siya nga mag-artista.

Kana human siya naapil sa stage play nga Sound of Music, diin didto niya nasabtan nga ganahan gyud siya nga molingaw ug momugna og pahiyom alang sa mga tawo.

Ganahan siya nga suwayan ang tanang aspeto sa showbiz  lakip na ang acting. Apan ang una niyang buhaton mao ang usa ka happy song nga makapahimkuot matud pa sa publiko.

Samtang suportado si Atasha sa iyang mga ginikinanan nga sila si Aga Muhlach ug Charlene Gonzales.

Gipahimangnoan matud pa siya sa iyang amahan nga kanunay nga magbinut-an ug matinahuron sa tanan nga iyang mahibalag sa showbiz, ug buhaton niya ang tanan aron maanindot ang iyang trabaho.

Sunod semana himuon ni Atasha ang iyang happy song. Human niini, mobalik pa siya sa United Kingdom alang sa graduation niya sa iyang kursong Business Management.

#Filay

Nag-look test na sila si Barbie Forteza ug David Licauco alang sa pagabituonan nila nga TV version sa pelikulang Maging Sino Ka Man nga gibituonan nila ni Megastar Sharon Cuneta ug Senator Robin Padilla kaniadto. Mao kini ang unang telserye sa duruha human sila nisikat og maayo pinaagi sa GMA7 primetime series Maria Clara at Ibarra.

Pagpuyo kun way sapi...

Trending karon ang pagtulun-an nga gipaambitan sa sikat nga social media influencer nga si Mimiyuuuh kabahin sa pakig relasyon. Dili matud pa maayo nga makigdate og walay sapi. "Ang aking lesson learned. Never ever date someone na walang pera... Dapat kasi stable ka muna sa sarili mo bago ka magdagdag ng tao sa buhay mo."

Kapamilya na

Nitabok ngadto sa nataran sa ABS-CBN News ang GMA7 reporter nga si Victoria Tulad, human sa 12 ka tuig. Nilugwa si Tulad sa ABS-CBN studio kagahapon isip pagpangandam sa iya nang pagsugod isip kapamilya reporter. Tweet pa niya: “Dahil uso naman ang mga crossover at collab ngayon… Hello, mga Kapamilya! G na G na!”

Ahh diay?

Magtinabangay matud pa ang Eat Bulaga sa GMA7 ug It's Showtime sa GTV. Ang tsika, adunay mahitabo nga "crossover" o motabok ang mga hosts sa maong show sa umaabot. Ang host sa Eat Bulaga mo guest sa It's Showtime. Ug ang host sa It's Showtime mobisita sa Eat Bulaga. Tsika sa PEP, "Oo" ang tubag ni Paolo Contis dihang gipangutana kun tinuod ba kini. Si Contis, usa sa mga bag-ong hosts sa revamped Eat Bulaga.

"Mas gwapa"

Gwapa gyud si Ellen Adarna. Pero sa iyang bag-ong Q&A session sa IG, gibutyag niya nga na-insecure siya kang Kristine Hermosa, 12 years ago. Niya pa, nakita niya si Kristine sa labing unang higayon niadtong tungora. Gwapahan na gyud siya ni Kristine sa TV, apan pagka kita niya niini sa personal, "I was like, 'What the hell?' Na-insecure ako." "Mas gwapa" si Kristine, matud pa ni Ellen.

Naglami na gyud...

Gikilig si Chie Filomeno nga nakakita ug kabasa sa pamahayag ni Jake Cuenca nga ang ganahan gyud niya sa dalaga mao ang pagka buotan ug pagkamahigugmaon niini sa pamilya. Matud ni Chie, niabot na gyud ang adlaw nga adunay lalaki nga nakakita sa mao niyang gawi.

Sama kang Jake, wala magdali si Chie sa unsay sunod nga mahitabo sa ilang panag-date karon sa aktor.

Pero, ganahan gyud siya makigkuyog niini kay maanindot matud pa kining ikaistorya. Bisan pa og tibuok adlaw sila mag-istorya dili matud pa siya mapul-an kay maalamon matud pa si Jake ug daghan og words of wisdom.

Dili sab kini dalo nga mopaambit sa iyang kahibaw may labot sa acting ug ubang hisgutanang showbiz.